🏠 👥 🔍 🧩 🅰️ 📌 ↩️

الشیخ عمر فاروق سعیدی حفظہ اللہ
636۔ اردو حاشیہ : ➊ عمداً چھوٹا کپڑا لینا کہ کندھوں پر کچھ نہ آ سکے یا جان بوجھ...
636۔ اردو حاشیہ:
➊ عمداً چھوٹا کپڑا لینا کہ کندھوں پر کچھ نہ آ سکے یا جان بوجھ کر کندھوں کا ننگا رکھنا ناجائز ہے۔ حسب وسعت لباس پور ا ہونا چاہیے۔
➋ اس حدیث اور دیگر احادیث میں مردوں کے لیے نماز میں ”سر ڈھانپنے“ کا کوئی حکم یا اس کی کوئی فضیلت ثابت نہیں ہے۔ سوائے اس کے کہ قرآن کریم کی اس آیت میں اللہ تعالیٰ نے «يا بني آدم خذوا زينتكم عندكل مسجد» [الأعراف: 31]
”اے لوگو! ہر مسجد میں آتے وقت (یا ہر نماز کے وقت) اپنا بناؤ کر لیا کرو۔“ کا عام حکم دیا ہے۔ یعنی نماز اور طواف میں ستر عورہ فرض ہے۔ مرد کے لیے کمر سے گھٹنے تک اور عورت کے لیے چہرے اور ہاتھوں کے علاوہ سارا بدن۔ اور باریک کپڑا جس سے بدن یا بال نظر آئیں معتبر نہیں۔ [موضح القرآن]
بہرحال اثنائے عبادت میں مباح زینت اختیار کرنا مطلو ب ہے اور اتباع ہوائے نفس حرام، اور غیر نماز میں ننگے سر رہنے کو عادت بنا لینا نبی صلی اللہ علیہ وسلم صحابہ کرام رضی اللہ عنہم اور سلف صالحین رحمہ اللہ عنہم کے معمولات کے خلاف ہے۔
➌ پاجامے پر چادر کی تلقین ستر کے لیے ہے کہ پوشیدہ جسم کے حصے کپڑے کے اوپر سے بھی نمایاں نہ ہوں۔
سنن ابی داود شرح از الشیخ عمر فاروق سعیدی 636