🏠 👥 🔍 🧩 🅰️ 📌 ↩️

الشیخ عمر فاروق سعیدی حفظہ اللہ
752۔ اردو حاشیہ : حافظ ابن حجر رحمہ اللہ لکھتے ہیں کہ حفاظ حدیث متفق ہیں کہ اس روایت...
752۔ اردو حاشیہ:
حافظ ابن حجر رحمہ اللہ لکھتے ہیں کہ حفاظ حدیث متفق ہیں کہ اس روایت (براء بن عازب) میں «ثم لايعود» کے لفظ مدرج (یعنی الحاقی) ہیں۔ جو کہ یزید بن ابی زیادہ کا اضافہ ہیں۔
◈ جبکہ شعبہ، ثوری، خالد طحان اور زہیر وغیرہ حفاظ نے اس حدیث کو اس اضافے کے بغیر روایت کیا ہے۔
◈حمیدی نے کہا کہ اس اضافے کو یزید نے روایت کیا ہے اور وہ (اپنے نام کے معنی کی مناسبت سے) ”زیادتی کرنے والا ہے۔“
◈عثمان دارمی نے امام احمد بن حنبل رحمہ اللہ سے نقل کیا ہے کہ ”یہ صحیح نہیں ہے۔“
◈ایسے ہی امام بخاری رحمہ اللہ، احمد، یحیی، دارمی اور کئی ایک محدثین نے اسے ضعیف کہا ہے۔
◈یحیی بن محمد بن یحیی کہتے ہیں میں نے احمد بن حنبل کو سنا کہتے تھے: ” یہ حدیث مگر بعد میں جب اسے ”تلقین“ کی گئی تو اس نے اسے قبول کر لیا اور یہ الفاظ ذکر کرنا شروع کر دئیے۔“ مذيد ديكهيے: [التلخيص الحبير: 1؍22]
سنن ابی داود شرح از الشیخ عمر فاروق سعیدی 752