🏠 👥 🔍 🧩 🅰️ 📌 ↩️

مولانا داود راز رحمہ اللہ
حدیث حاشیہ: حضرت عمر بن خطاب ؓ کی کنیت ابو حفصہ ہے عدوی اور قریشی ہیں۔ نبوت کے پانچویں...
حدیث حاشیہ:
حضرت عمر بن خطاب ؓ کی کنیت ابو حفصہ ہے عدوی اور قریشی ہیں۔
نبوت کے پانچویں یا چھٹے سال اسلام لائے اور ان کے اسلام قبول کرنے کے دن سے اسلام نمایاں ہونا شروع ہوا۔
اسی وجہ سے ان کا لقب فاروق ہوگیا، آپ گورے رنگ کے تھے سرخی غالب تھی، قد کے لمبے تھے۔
تمام غزوات نبوی میں شریک ہوئے۔
حضرت صدیق اکبر ؓ کے بعد دس سال چھ ماہ خلیفہ رہے۔
مغیر ہ بن شعبہ ؓ کے غلام ابو لولو نے مدینہ میں بدھ کے دن نماز فجر میں36ذی الحجہ24ھ کو خنجر سے آپ ؓ پر حملہ کیا۔
آپ یکم محرم الحرام 25ھ کو چار دن بیمار رہ کر واصل بحق ہوئے۔
63سال کی عمر پائی۔
نماز جنازہ حضرت صہیب رومی نے پڑھائی اور حجرئہ نبوی میں جگہ ملى۔
عمر وبن عاص بن وائل سہمی قریشی ہیں۔
بقول بعض 8ھ میں حضرت خالد بن ولید ؓ اور عثمان بن طلحہ ؓ کے ساتھ مسلمان ہوئے۔
ان کو آنحضرت صلی اللہ علیہ وسلم نے عمان کا حاکم بنا دیا تھا۔
وفات نبوی تک یہ عمان کے حاکم رہے۔
حضرت عمر ؓ کی خلافت میں ان ہی کے ہاتھ پر مصر فتح ہوا۔
مصر ہی میں43ھ میں بعمر نوے سال وفات پائی۔
رضي اللہ عنه وأرضاہ آمین۔
صحیح بخاری شرح از مولانا داود راز 3864