الشیخ صفی الرحمن مبارکپوری رحمہ اللہ
لغوی تشریح : «فِي الْاِثْمِ» گناہ میں ، یعنی مردہ شخص کی ہڈی توڑنا گناہ کے اعتبار سے ایسے ہے...
لغوی تشریح:
«فِي الْاِثْمِ» گناہ میں، یعنی مردہ شخص کی ہڈی توڑنا گناہ کے اعتبار سے ایسے ہے جیسے کسی زندہ انسان کی ہڈی توڑنا، نہ کہ درود اور الم و تکلیف کے اعتبار سے۔
فائدہ:
دین اسلام نے جس طرح انسان کی زندگی میں اس کے ساتھ بدسلوکی اور بےحرمتی کو ممنوع قرار دیا ہے اسی طرح اس کے فوت ہو جانے کے بعد بھی اس کی عزت و تکریم اور حرمت کو برقرار رکھا ہے۔ موجودہ دور میں پوسٹ مارٹم کے نام سے مردہ انسان کی چیرپھاڑ کا کام غیر شرعی ہے۔ انتہائی شدید شرعی مصلحت کے بغیر اس پر عمل کرنا ناجائز ہے۔
سعودی علمائے کرام نے اس مسئلے کو تین حصوں میں تقسیم کیا ہے۔
➊ کسی فوجداری دعویٰ کی تحقیق کی غرض سے پوسٹ مارٹم۔
➋ وبائی امراض کی تحقیق کی غرض سے پوسٹ مارٹم۔
➌ تعلیم و تعلم یعنی اعلیٰ مقاصد کے لیے پوسٹ مارٹم۔
پہلی اور دوسری صورت میں پوسٹ مارٹم جائز ہے کیونکہ ان صورتوں میں امن و امان اور معاشرے کو وبائی امراض سے بچانے کی بہت سی مصلحتیں کارفرما ہیں اور اس میں اس میت کی بےحرمتی کا جو پہلو ہے جس پوسٹ مارٹم کیا جا رہا ہو، وہ ان یقینی اور بہت سی مصلحتوں کے مقابلے میں چھپ جاتا ہے۔ باقی رہی تیسری قسم یعنی تعلیمی مقاصد کے لیے پوسٹ مارٹم تو شریعت اسلامیہ پر غور کرنے سے معلوم ہوتا ہے کہ اس کا مقصد یہ ہے کہ مصالح کو زیادہ سے زیادہ حاصل یا جائے اور مفاسد کو کم سے کم کیا جائے، خواہ اس کے لیے دو ضررساں چیزوں میں سے اس کا ارتکاب کرنا پڑے جس کا ضرر کم ہو اور اسے ختم کیا جا سکے جس کا نقصان زیادہ ہو اور جب مصلاح میں تعارض ہو تو اسے اختیار کر لیا جائے گا جو راجح ہو، حیوانی لاشوں کا پوسٹ مارٹم انسانی لاشوں کے پوسٹ مارٹم کا بدل نہیں ہو سکتا اور پوسٹ مارٹم میں چونکہ بہت سی مصلحتیں ہیں جو آج کی علمی ترقی کے باعث طبی مقاصد کے لیے بہت کارآمد ہیں، لہٰذا انسانی لاش کا پوسٹ مارٹم جائز ہے۔ لیکن شریعت نے چونکہ مسلمان کو موت کے بعد بھی اسی طرح عزت و تکریم سے نوازا ہے جس طرح زندگی میں اسے عزت و شرف سے سرفراز کیا ہے جیسا کہ مذکورہ روایت میں ہے اور پوسٹ مارٹم چونکہ عزت و تکریم کے منافی ہے اور اس میں انسانی لاش کی بےحرمتی ہے اور پوسٹ مارٹم کی ضرورت چونکہ غیر معصوم یعنی مرتد اور حربی لوگوں کی لاشوں کو استعمال کرنے پر اکتفا کیا جائے اور ان کے علاوہ دیگر لاشوں کو استعمال نہ کیا جائے۔ «والله اعلم» تفصیل کے لیے دیکھیے، [فتاويٰ اسلاميه اردو 98، 97/2 مطبوعه دارالسلام لاهور]
سنن ابن ماجہ میں حضرت ام سلمہ رضی اللہ عنہا سے مروی اضافے کی بابت ہمارے فاضل محقق لکھتے ہیں کہ یہ اضافہ سنداً ضعیف ہے۔ اور شیخ البانی رحمہ الله اس کی بابت لکھتے ہیں کہ یہ اضافہ کسی صحیح حدیث سے ثابت نہیں ہے بلکہ کسی راوی کی تفسیر اور وضاحت ہے، تاہم مذکورہ حدیث مومن میت کی ہڈی توڑنے کی حرمت پر دلالت کرتی ہے۔ «والله اعلم»
مزید تفصیل کے لیے دیکھیے: [احكام الجنائز وبدعها للالباني، ص: 296، 295 طبع مكتبة المعارف الرياض وارواء الغليل، رقم: 763]
«فِي الْاِثْمِ» گناہ میں، یعنی مردہ شخص کی ہڈی توڑنا گناہ کے اعتبار سے ایسے ہے جیسے کسی زندہ انسان کی ہڈی توڑنا، نہ کہ درود اور الم و تکلیف کے اعتبار سے۔
فائدہ:
دین اسلام نے جس طرح انسان کی زندگی میں اس کے ساتھ بدسلوکی اور بےحرمتی کو ممنوع قرار دیا ہے اسی طرح اس کے فوت ہو جانے کے بعد بھی اس کی عزت و تکریم اور حرمت کو برقرار رکھا ہے۔ موجودہ دور میں پوسٹ مارٹم کے نام سے مردہ انسان کی چیرپھاڑ کا کام غیر شرعی ہے۔ انتہائی شدید شرعی مصلحت کے بغیر اس پر عمل کرنا ناجائز ہے۔
سعودی علمائے کرام نے اس مسئلے کو تین حصوں میں تقسیم کیا ہے۔
➊ کسی فوجداری دعویٰ کی تحقیق کی غرض سے پوسٹ مارٹم۔
➋ وبائی امراض کی تحقیق کی غرض سے پوسٹ مارٹم۔
➌ تعلیم و تعلم یعنی اعلیٰ مقاصد کے لیے پوسٹ مارٹم۔
پہلی اور دوسری صورت میں پوسٹ مارٹم جائز ہے کیونکہ ان صورتوں میں امن و امان اور معاشرے کو وبائی امراض سے بچانے کی بہت سی مصلحتیں کارفرما ہیں اور اس میں اس میت کی بےحرمتی کا جو پہلو ہے جس پوسٹ مارٹم کیا جا رہا ہو، وہ ان یقینی اور بہت سی مصلحتوں کے مقابلے میں چھپ جاتا ہے۔ باقی رہی تیسری قسم یعنی تعلیمی مقاصد کے لیے پوسٹ مارٹم تو شریعت اسلامیہ پر غور کرنے سے معلوم ہوتا ہے کہ اس کا مقصد یہ ہے کہ مصالح کو زیادہ سے زیادہ حاصل یا جائے اور مفاسد کو کم سے کم کیا جائے، خواہ اس کے لیے دو ضررساں چیزوں میں سے اس کا ارتکاب کرنا پڑے جس کا ضرر کم ہو اور اسے ختم کیا جا سکے جس کا نقصان زیادہ ہو اور جب مصلاح میں تعارض ہو تو اسے اختیار کر لیا جائے گا جو راجح ہو، حیوانی لاشوں کا پوسٹ مارٹم انسانی لاشوں کے پوسٹ مارٹم کا بدل نہیں ہو سکتا اور پوسٹ مارٹم میں چونکہ بہت سی مصلحتیں ہیں جو آج کی علمی ترقی کے باعث طبی مقاصد کے لیے بہت کارآمد ہیں، لہٰذا انسانی لاش کا پوسٹ مارٹم جائز ہے۔ لیکن شریعت نے چونکہ مسلمان کو موت کے بعد بھی اسی طرح عزت و تکریم سے نوازا ہے جس طرح زندگی میں اسے عزت و شرف سے سرفراز کیا ہے جیسا کہ مذکورہ روایت میں ہے اور پوسٹ مارٹم چونکہ عزت و تکریم کے منافی ہے اور اس میں انسانی لاش کی بےحرمتی ہے اور پوسٹ مارٹم کی ضرورت چونکہ غیر معصوم یعنی مرتد اور حربی لوگوں کی لاشوں کو استعمال کرنے پر اکتفا کیا جائے اور ان کے علاوہ دیگر لاشوں کو استعمال نہ کیا جائے۔ «والله اعلم» تفصیل کے لیے دیکھیے، [فتاويٰ اسلاميه اردو 98، 97/2 مطبوعه دارالسلام لاهور]
سنن ابن ماجہ میں حضرت ام سلمہ رضی اللہ عنہا سے مروی اضافے کی بابت ہمارے فاضل محقق لکھتے ہیں کہ یہ اضافہ سنداً ضعیف ہے۔ اور شیخ البانی رحمہ الله اس کی بابت لکھتے ہیں کہ یہ اضافہ کسی صحیح حدیث سے ثابت نہیں ہے بلکہ کسی راوی کی تفسیر اور وضاحت ہے، تاہم مذکورہ حدیث مومن میت کی ہڈی توڑنے کی حرمت پر دلالت کرتی ہے۔ «والله اعلم»
مزید تفصیل کے لیے دیکھیے: [احكام الجنائز وبدعها للالباني، ص: 296، 295 طبع مكتبة المعارف الرياض وارواء الغليل، رقم: 763]
بلوغ المرام شرح از صفی الرحمن مبارکپوری 467