الشیخ صفی الرحمن مبارکپوری رحمہ اللہ
لغوی تشریح 511 : اَلیَدُ العُلیَا اوپر والے ہاتھ سے مراد دینے والے کا ہاتھ ہے ۔ اَلیَدُ السُّفْلٰی...
لغوی تشریح 511:
اَلیَدُ العُلیَا اوپر والے ہاتھ سے مراد دینے والے کا ہاتھ ہے۔
اَلیَدُ السُّفْلٰی نیچے والے ہاتھ سے مراد لینے والے اور سوال کرنے والے کا ہاتھ ہے۔
أِبدَأُ یعنی صدقہ وخیرات دینے اور خرچ کرنے میں شروع کر، ابتداو آغاز کر۔
بِمَن تَعُولُ جنکا نان ونفقہ تیرے ذمہ ہو۔ یہ غَالَ الرَّجُلُ أَھلُہُ سے ماخوذ ہے، جس کے معنی ہیں: آدمی نے اپنے گھر والوں کی عیالداری اور کفالت کی۔ یہ محاور ہ اس وقت بولتے ہیں جب کوئی شخص اپنے اہل وعیال کے ضروری نان نفقہ اور لباس کا انتظام کرے۔
مَا کَانَ عَن ظَھْرِ غِنَی اپنی ضروریات کی تکمیل کے بعد جو زائد بچ رہے اور صاحبِ مال کو اس کی چنداں ضرورت و حاجت بھی نہ رہے اور اس مال کا صدقہ کرنے کے بعد وہ مستغنی رہے۔ لفظ ”ظھر“ محض کلام میں وسعت کے لیے استعمال کیا گیا ہے، یعنی اس کا استعمال وسیع واکثر ہے، لفظی معنی مراد نہیں ہیں۔
وَمَن یَّستَعفِف جو سوال کرنے، مانگنے سے بچنا چاہے اور دست سوال دراز کرنے سے پاکدامنی کا ارادہ کرے۔
یُعِفَّہُ الْلّٰہُ باب افعال سے ماخوذ ہے، اللہ تعالیٰ اسے بچنے کی توفیق سے نواز دیتا ہے۔
وَمَن یَّستَغْنِ یعنی جو کچھ اس کے پاس ہے، خواہ کم مقدار میں ہو یا زیادہ، اسی پر قناعت کرتا ہے۔
فوائد و مسائل 511:
اس حدیث سے معلوم ہوا کہ اگر گھر کے افراد ضرورتمند و محتاج ہوں تو ان پر اپنا مال خرچ کرنا بھی نیکی اور صدقہ ہے۔ ان کی موجودگی میں دوسرے کو صدقہ دینا کوئی مستحسن عمل نہیں۔ صحیح مسلم میں حضرت ثوبان رضی اللہ تعالیٰ عنہ سے مروی ہے کہ رسول اللہ صلی اللہ علیہ وسلم نے فرمایا: ”بہتر مال وہ ہے جسے آدمی اپنے اہل وعیال اور گھر والوں پر صرف کرے، یا جہاد فی سبیل اللہ میں خرچ کرے، یا پھر اپنے احباب ورفقاء اور دوستوں پر (شرعہ حدود میں رہتے ہوے) خرچ کرے۔“ (صحیح مسلم، الزکاۃ، باب فضل النفقۃ علی العیال والمملوک۔۔۔، حدیث: 994)
2۔ اس حدیث میں صدقہ دینے کی فضیلت کے ساتھ ساتھ سوال کرنے اور بلاضرورت مانگنے کی حوصلہ شکنی کی گئی ہے اور جو شخص مانگنے سے بچنا چاہے اللہ تعالیٰ اپنے ہاں سے اسباب پیدا فرماکر اُسے بچا لیتا ہے۔
اَلیَدُ العُلیَا اوپر والے ہاتھ سے مراد دینے والے کا ہاتھ ہے۔
اَلیَدُ السُّفْلٰی نیچے والے ہاتھ سے مراد لینے والے اور سوال کرنے والے کا ہاتھ ہے۔
أِبدَأُ یعنی صدقہ وخیرات دینے اور خرچ کرنے میں شروع کر، ابتداو آغاز کر۔
بِمَن تَعُولُ جنکا نان ونفقہ تیرے ذمہ ہو۔ یہ غَالَ الرَّجُلُ أَھلُہُ سے ماخوذ ہے، جس کے معنی ہیں: آدمی نے اپنے گھر والوں کی عیالداری اور کفالت کی۔ یہ محاور ہ اس وقت بولتے ہیں جب کوئی شخص اپنے اہل وعیال کے ضروری نان نفقہ اور لباس کا انتظام کرے۔
مَا کَانَ عَن ظَھْرِ غِنَی اپنی ضروریات کی تکمیل کے بعد جو زائد بچ رہے اور صاحبِ مال کو اس کی چنداں ضرورت و حاجت بھی نہ رہے اور اس مال کا صدقہ کرنے کے بعد وہ مستغنی رہے۔ لفظ ”ظھر“ محض کلام میں وسعت کے لیے استعمال کیا گیا ہے، یعنی اس کا استعمال وسیع واکثر ہے، لفظی معنی مراد نہیں ہیں۔
وَمَن یَّستَعفِف جو سوال کرنے، مانگنے سے بچنا چاہے اور دست سوال دراز کرنے سے پاکدامنی کا ارادہ کرے۔
یُعِفَّہُ الْلّٰہُ باب افعال سے ماخوذ ہے، اللہ تعالیٰ اسے بچنے کی توفیق سے نواز دیتا ہے۔
وَمَن یَّستَغْنِ یعنی جو کچھ اس کے پاس ہے، خواہ کم مقدار میں ہو یا زیادہ، اسی پر قناعت کرتا ہے۔
فوائد و مسائل 511:
اس حدیث سے معلوم ہوا کہ اگر گھر کے افراد ضرورتمند و محتاج ہوں تو ان پر اپنا مال خرچ کرنا بھی نیکی اور صدقہ ہے۔ ان کی موجودگی میں دوسرے کو صدقہ دینا کوئی مستحسن عمل نہیں۔ صحیح مسلم میں حضرت ثوبان رضی اللہ تعالیٰ عنہ سے مروی ہے کہ رسول اللہ صلی اللہ علیہ وسلم نے فرمایا: ”بہتر مال وہ ہے جسے آدمی اپنے اہل وعیال اور گھر والوں پر صرف کرے، یا جہاد فی سبیل اللہ میں خرچ کرے، یا پھر اپنے احباب ورفقاء اور دوستوں پر (شرعہ حدود میں رہتے ہوے) خرچ کرے۔“ (صحیح مسلم، الزکاۃ، باب فضل النفقۃ علی العیال والمملوک۔۔۔، حدیث: 994)
2۔ اس حدیث میں صدقہ دینے کی فضیلت کے ساتھ ساتھ سوال کرنے اور بلاضرورت مانگنے کی حوصلہ شکنی کی گئی ہے اور جو شخص مانگنے سے بچنا چاہے اللہ تعالیٰ اپنے ہاں سے اسباب پیدا فرماکر اُسے بچا لیتا ہے۔
بلوغ المرام شرح از صفی الرحمن مبارکپوری 511