🏠 👥 🔍 🧩 🅰️ 📌 ↩️

مولانا داود راز رحمہ اللہ
حدیث حاشیہ: غرض امام بخاری ؒ کی یہ ہے کہ عفو سے آیت میں قصور کی معافی کرنا، خطا...
حدیث حاشیہ:
غرض امام بخاری ؒ کی یہ ہے کہ عفو سے آیت میں قصور کی معافی کرنا، خطا سے در گزر کرنا مراد ہے اور یہ آیت حسن اخلاق سے متعلق ہے۔
امام جعفر صادق ؒ سے منقول ہے کہ قرآن پاک میں کوئی آیت اس آیت کی طرح جامع اخلاق نہیں ہے لیکن بعضوں نے اس آیت کی یوں تفسیر کی ہے کہ ﴿خُذِ العفوَ﴾ سے یہ مراد ہے کہ جو کچھ مال ان کے ضروری اخراجات سے بچ رہے وہ لے لے اور یہ حکم زکوٰۃ کی فرضیت سے پہلے کا ہے۔
طبری اور ابن مردویہ نے حضرت جابر ؓ سے اور ابن جریر اور ابن ابی حاتم نے اسی سے نکالا۔
جب یہ آیت اتری تو آنحضرت صلی اللہ علیہ وسلم نے حضرت جبریل ؑ سے اس کا مطلب پوچھا، انہوں نے کہا میں جا کر پرورد گار سے پوچھتا ہوں، پھر لوٹ کر آئے کہنے لگے تمہارا پرورد گار تم کو یہ حکم دیتا ہے کہ جو کوئی تم سے ناطہ کاٹے تم اس سے جوڑو اور جو کوئی تم کو محروم کرے تم اس کو دو اور جو کوئی تم پر ظلم کرے تم اس کو معاف کردو۔
(وحیدی)
صحیح بخاری شرح از مولانا داود راز 4644