مولانا داود راز رحمہ اللہ
حدیث حاشیہ: حضرت ابوہریرہ ؓ کی حدیث میں پچیس درجہ اورابن عمر ؓ کی حدیث میں ستائیس درجہ ثواب...
حدیث حاشیہ:
حضرت ابوہریرہ ؓ کی حدیث میں پچیس درجہ اورابن عمر ؓ کی حدیث میں ستائیس درجہ ثواب باجماعت نماز میں بتایاگیا ہے۔
بعض محدثین نے یہ بھی لکھا ہے کہ ابن عمر ؓ کی روایت زیادہ قوی ہے۔
اس لیے عدد سے متعلق اس روایت کو ترجیح ہوگی۔
لیکن اس سلسلے میں زیادہ صحیح مسلک یہ ہے کہ دونوں کو صحیح تسلیم کیا جائے۔
باجماعت نماز بذات خود واجب یا سنت مؤکدہ ہے۔
ایک فضیلت کی وجہ تو یہی ہے۔
پھر باجماعت نماز پڑھنے والوں کے اخلاص وتقویٰ میں بھی تفاوت ہوگا اور ثواب بھی اسی کے مطابق کم وبیش ملے گا۔
اس کے علاوہ کلام عرب میں یہ اعداد کثرت کے اظہار کے موقع پر بولے جاتے ہیں۔
گویا مقصود صرف ثواب کی زیادتی کو بتانا تھا۔
(تفہیم البخاری)
ابن دقیق العید ؒ کہتے ہیں کہ مطلب یہ ہے کہ مسجد میں جماعت سے نمازادا کرنا گھروں اوربازاروں میں نماز پڑھنے سے پچیس گنا زیادہ ثواب رکھتا ہے گو بازار یا گھر میں جماعت سے نماز پڑھے، حافظ ابن حجر ؒ فرماتے ہیں کہ میں سمجھتا ہوں گھر میں اوربازار میں نماز پڑھنے سے وہاں اکیلے پڑھنا مراد ہے۔
واللہ اعلم۔
حضرت ابوہریرہ ؓ کی حدیث میں پچیس درجہ اورابن عمر ؓ کی حدیث میں ستائیس درجہ ثواب باجماعت نماز میں بتایاگیا ہے۔
بعض محدثین نے یہ بھی لکھا ہے کہ ابن عمر ؓ کی روایت زیادہ قوی ہے۔
اس لیے عدد سے متعلق اس روایت کو ترجیح ہوگی۔
لیکن اس سلسلے میں زیادہ صحیح مسلک یہ ہے کہ دونوں کو صحیح تسلیم کیا جائے۔
باجماعت نماز بذات خود واجب یا سنت مؤکدہ ہے۔
ایک فضیلت کی وجہ تو یہی ہے۔
پھر باجماعت نماز پڑھنے والوں کے اخلاص وتقویٰ میں بھی تفاوت ہوگا اور ثواب بھی اسی کے مطابق کم وبیش ملے گا۔
اس کے علاوہ کلام عرب میں یہ اعداد کثرت کے اظہار کے موقع پر بولے جاتے ہیں۔
گویا مقصود صرف ثواب کی زیادتی کو بتانا تھا۔
(تفہیم البخاری)
ابن دقیق العید ؒ کہتے ہیں کہ مطلب یہ ہے کہ مسجد میں جماعت سے نمازادا کرنا گھروں اوربازاروں میں نماز پڑھنے سے پچیس گنا زیادہ ثواب رکھتا ہے گو بازار یا گھر میں جماعت سے نماز پڑھے، حافظ ابن حجر ؒ فرماتے ہیں کہ میں سمجھتا ہوں گھر میں اوربازار میں نماز پڑھنے سے وہاں اکیلے پڑھنا مراد ہے۔
واللہ اعلم۔
صحیح بخاری شرح از مولانا داود راز 647