🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: اس روایت سے معلوم ہوا کہ نماز فجر سحری سے متصل ہوتی تھی، یعنی سحری سے فراغت...
حدیث حاشیہ:
اس روایت سے معلوم ہوا کہ نماز فجر سحری سے متصل ہوتی تھی، یعنی سحری سے فراغت کے بعد جب فجر کا وقت شروع ہوتا، نماز پڑھ لی جاتی۔
امام بخاری ؒ اس روایت سے ثابت کرنا چاہتے ہیں کہ حضرت سہل بن سعد ؒ اپنے گھر میں سحری کر کے جلدی مسجد نبوی پہنچنے کی کوشش کرتے تاکہ نماز فجر رسول اللہ صلی اللہ علیہ وسلم کی اقتدا میں پڑھ سکیں۔
اس سے معلوم ہوا کہ نماز فجر سحری سے فراغت کے بعد فوراً شروع کردی جاتی تھی۔
دوسری روایات میں اس کی وضاحت ہے، چنانچہ حضرت جابر ؓ سے ایک روایت ہے کہ رسول اللہ صلی اللہ علیہ وسلم صبح کی نماز اندھیرے ہی میں پڑھ لیتے تھے،(صحیح البخاري، مواقیت الصلاة، حدیث: 565)
نیز حضرت عبداللہ بن عمرو بن العاص ؓ سے مروی ہے رسول اللہ صلی اللہ علیہ وسلم نے فرمایا:
”نماز فجر کاوقت طلوع فجر سے لے کر طلوع آفتاب تک ہے۔
“ (صحیح مسلم، المساجد، حدیث: 1385(612)
هداية القاري شرح صحيح بخاري، اردو 577