الشیخ عبدالستار الحماد حفظہ اللہ
حدیث حاشیہ: 1۔ ایک روایت میں اس حدیث کا سبب بیان ہوا ہے کہ رسول اللہ ﷺ نے راوئ...
حدیث حاشیہ:
1۔
ایک روایت میں اس حدیث کا سبب بیان ہوا ہے کہ رسول اللہ صلی اللہ علیہ وسلم نے راوئ حدیث حضرت سفیان بن ابو زہیر ؓ کو کسی مہم کے لیے روانہ کیا۔
جب وہ وادئ عقیق پہنچے تو ان کا گھوڑا بیمار ہو گیا۔
انہوں نے واپس آ کر رسول اللہ صلی اللہ علیہ وسلم سے اپنے گھوڑے کے متعلق عرض کی تو آپ اس کے لیے گھوڑے کا بندوبست کرنے کی غرض سے نکلے۔
حضرت ابوجہم بن حذیفہ ؓ کے پاس ایک گھوڑا تھا۔
آپ نے اس سے اس کی قیمت پوچھی تو اس نے کہا:
مجھے قیمت کی چنداں ضرورت نہیں، آپ اسے لے لیں اور جسے چاہیں دے دیں۔
جب آپ وہاں سے واپس ہوئے اور بئراہاب پر پہنچے تو حضرت سفیان بن ابو زہیر ؓ سے فرمایا:
”مدینہ طیبہ کی آبادی اس مقام تک آ جائے گی۔
“ پھر آپ نے فرمایا:
”ملک شام فتح ہو گا، مدینہ طیبہ کے لوگ وہاں جائیں گے تو اس کی خوشحالی اور زرخیزی انہیں خیرہ کر دے گی۔
کاش کے مدینہ طیبہ کی قدروقیمت انہیں معلوم ہو۔
بہرحال ان کا مدینہ طیبہ میں رہنا بہتر ہو گا۔
“ (مسندأحمد: 220/5) (2)
رسول اللہ صلی اللہ علیہ وسلم کی پیش گوئی حرف بہ حرف پوری ہوئی، چنانچہ حدیث میں ذکر کردہ ترتیب کے مطابق یہ علاقے فتح ہوئے۔
رسول اللہ صلی اللہ علیہ وسلم کے عہد مبارک اور سیدنا ابوبکر ؓ کے دور خلافت میں یمن کے علاقے فتح ہوئے، اس کے بعد شام پھر عراق فتح ہوا لیکن رسول اللہ صلی اللہ علیہ وسلم نے مدینہ سے کوچ کر کے وہاں جانے کو پسند نہیں فرمایا کیونکہ مدینہ طیبہ کا حرم، وحی اور برکات اترنے کی جگہ ہے۔
وہاں اللہ تعالیٰ کی رحمتیں اور برکتیں نازل ہوتی ہیں۔
بہرحال مدینہ طیبہ سے نکل کر کسی دوسرے شہر میں آباد ہونے والا وہ شخص قابل مذمت ہے جو نفرت و کراہت کرتے ہوئے یہاں سے جائے، البتہ جہاد، حصول علم، تبلیغ دین یا کسی اور ضرورت کے پیش نظر یہاں سے جانے والا اس وعید سے خارج ہے۔
(فتح الباري: 120/4)
1۔
ایک روایت میں اس حدیث کا سبب بیان ہوا ہے کہ رسول اللہ صلی اللہ علیہ وسلم نے راوئ حدیث حضرت سفیان بن ابو زہیر ؓ کو کسی مہم کے لیے روانہ کیا۔
جب وہ وادئ عقیق پہنچے تو ان کا گھوڑا بیمار ہو گیا۔
انہوں نے واپس آ کر رسول اللہ صلی اللہ علیہ وسلم سے اپنے گھوڑے کے متعلق عرض کی تو آپ اس کے لیے گھوڑے کا بندوبست کرنے کی غرض سے نکلے۔
حضرت ابوجہم بن حذیفہ ؓ کے پاس ایک گھوڑا تھا۔
آپ نے اس سے اس کی قیمت پوچھی تو اس نے کہا:
مجھے قیمت کی چنداں ضرورت نہیں، آپ اسے لے لیں اور جسے چاہیں دے دیں۔
جب آپ وہاں سے واپس ہوئے اور بئراہاب پر پہنچے تو حضرت سفیان بن ابو زہیر ؓ سے فرمایا:
”مدینہ طیبہ کی آبادی اس مقام تک آ جائے گی۔
“ پھر آپ نے فرمایا:
”ملک شام فتح ہو گا، مدینہ طیبہ کے لوگ وہاں جائیں گے تو اس کی خوشحالی اور زرخیزی انہیں خیرہ کر دے گی۔
کاش کے مدینہ طیبہ کی قدروقیمت انہیں معلوم ہو۔
بہرحال ان کا مدینہ طیبہ میں رہنا بہتر ہو گا۔
“ (مسندأحمد: 220/5) (2)
رسول اللہ صلی اللہ علیہ وسلم کی پیش گوئی حرف بہ حرف پوری ہوئی، چنانچہ حدیث میں ذکر کردہ ترتیب کے مطابق یہ علاقے فتح ہوئے۔
رسول اللہ صلی اللہ علیہ وسلم کے عہد مبارک اور سیدنا ابوبکر ؓ کے دور خلافت میں یمن کے علاقے فتح ہوئے، اس کے بعد شام پھر عراق فتح ہوا لیکن رسول اللہ صلی اللہ علیہ وسلم نے مدینہ سے کوچ کر کے وہاں جانے کو پسند نہیں فرمایا کیونکہ مدینہ طیبہ کا حرم، وحی اور برکات اترنے کی جگہ ہے۔
وہاں اللہ تعالیٰ کی رحمتیں اور برکتیں نازل ہوتی ہیں۔
بہرحال مدینہ طیبہ سے نکل کر کسی دوسرے شہر میں آباد ہونے والا وہ شخص قابل مذمت ہے جو نفرت و کراہت کرتے ہوئے یہاں سے جائے، البتہ جہاد، حصول علم، تبلیغ دین یا کسی اور ضرورت کے پیش نظر یہاں سے جانے والا اس وعید سے خارج ہے۔
(فتح الباري: 120/4)
هداية القاري شرح صحيح بخاري، اردو 1875