🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: 1۔ اس حدیث میں ھذا کا اشارہ اس کلام کی طرف قراردیا تھا۔ ایسا قطعاً نہیں کہ...
حدیث حاشیہ:
1۔
اس حدیث میں ھذا کا اشارہ اس کلام کی طرف قراردیا تھا۔
ایسا قطعاً نہیں کہ موسیٰ ؑ نے رسول اللہ صلی اللہ علیہ وسلم سے زیادہ تکلیفیں اور دکھ درد برداشت کیے کیونکہ ایک حدیث میں ہے رسول اللہ صلی اللہ علیہ وسلم نے فرمایا:
”مجھے اللہ تعالیٰ کی خاطر اس قدر تکالیف کا سامنا کرنا پڑا کہ اس قدر کسی دوسرے کو تکالیف کا سامنا نہیں کرنا پڑا۔
“ (سلسلة الأحادیث الصحیحة، حدیث: 2222)
2۔
واضح رہے کہ ایذائے موسیٰ سے مراد حدیث غسل کی طرف اشارہ بھی ہوسکتا ہے بعض شارحین نے قارون کی شرارت کو ایذائے موسیٰ قراردیا ہے کہ اس نے ایک عورت کو تیار کیا جو لوگوں کے سامنے اس بات کا اقرار کرتی تھی حضرت موسیٰ ؑ نے مجھ سے بدکاری کی ہے۔
بہر حال مسلمانوں کو ہر اس کام سے بچنا چاہیے جو رسول اللہ صلی اللہ علیہ وسلم کی ایذارسانی کا باعث ہو۔
هداية القاري شرح صحيح بخاري، اردو 3405