🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: 1۔ مسند احمد کی ایک روایت میں ہے کہ جب رسول اللہ ﷺ نے اسے دعوت حق...
حدیث حاشیہ:
1۔
مسند احمد کی ایک روایت میں ہے کہ جب رسول اللہ صلی اللہ علیہ وسلم نے اسے دعوت حق پیش کی تو اس نے کہا:
اگر مجھے قریش کی عار کا اندیشہ نہ ہو کہ وہ کہیں گے ابو طالب نے موت سے گھبرا کر اپنا دین چھوڑدیا ہے، تو میں ضرور تیری آنکھیں ٹھنڈی کرتا۔
(مسند أحمد: 441/2)
بہر حال اس نے کلمہ نہیں پڑھا، اس لیے وہ عذاب میں گرفتار ہوگا۔
2۔
ایک روایت میں ہے کہ جب اس کا دماغ ابلنے لگے گا تو اندر سے بھیجا نکل کر اس کے قدموں پر پڑے گا۔
(السیرةالنبویة لابن ِسحاق: 65/1، وفتح الباري: 245/7۔
246)
کفار کے اعمال انھیں کوئی فائدہ نہیں دیں گے لیکن ابو طالب کو رسول اللہ صلی اللہ علیہ وسلم کی حمایت کے نتیجے میں کچھ نہ کچھ فائدہ ضرورہوگا۔
یہ سب کچھ رسول اللہ صلی اللہ علیہ وسلم کی خصوصیت اور آپ کی برکت ہے۔
3۔
اس سے یہ بھی معلوم ہوا کہ اہل جہنم کے عذاب کی نوعیت ایک دوسرے سے مختلف ہوگی۔
(فتح الباري: 246/7)
4اس واقعے سے معلوم ہوتا ہے کہ کسی کی صحیح رہنمائی کرنا رسول اللہ صلی اللہ علیہ وسلم کی ذمے داری ہے لیکن صراط مستقیم پر چلانا اللہ تعالیٰ کا اختیارہے۔
رسول اللہ صلی اللہ علیہ وسلم کسی کو راہ راست پر نہیں لا سکتے آپ صرف راستہ دکھا سکتے ہیں جیسا کہ قرآن میں ہے۔
(الشوری: 42۔
52)
هداية القاري شرح صحيح بخاري، اردو 3885