🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: 1۔ جنگ موتہ میں حضرت زید بن حارثہ ؓ کی شہادت کے بعد حضرت جعفر ؓ نے...
حدیث حاشیہ:
1۔
جنگ موتہ میں حضرت زید بن حارثہ ؓ کی شہادت کے بعد حضرت جعفر ؓ نے لپک کر جھنڈا اٹھایا اور دشمنوں سے جنگ شروع کردی۔
جب جنگ شدت اختیار کر گئی تو وہ اپنے گھوڑے سے کود پڑے، لڑتے لڑتے دشمن کی ضرب سے ان کا دایاں ہاتھ کٹ گیا۔
اس کے بعد انہوں نے بائیں ہاتھ میں جھنڈا لے لیا اور اسے مسلسل بند رکھا یہاں تک کہ بایاں ہاتھ بھی کٹ گیا حتی کہ آپ شہید ہوگئے۔
رسول اللہ صلی اللہ علیہ وسلم نے فرمایا:
"اللہ تعالیٰ نے انھیں دونوں بازوؤں کے عوض جنت میں ایسے دوبازو عطا فرمائے جن کے ذریعے سے وہ جہاں چاہتے ہیں اڑ کر پہنچ جاتے ہیں۔
"(سلسلة الأحادیث الصحیة: 226/3 رقم الحدیث 1226۔
)
اس لیے ان کا لقب جعفر طیار اور جعفر ذوالجناحین پڑگیا۔
2۔
ان دونوں پروں کی کیفیت کا بیان کسی حدیث میں نہیں ہے، اس لیے ہم اسے حقیقت پر محمول کرتے ہوئے ان پر ایمان لاتے ہیں، اور ان کی کیفیت اللہ کے سپردکرتے ہیں اور نہ اس کی کوئی تاویل ہی کرتے ہیں۔
بعض لوگ اس کی تاویل کرتے ہیں کہ اس سے مرادصفت ملکیہ اور قوت روحانیہ ہے جو حضرت جعفر ؓ کو عطا کی گئیں لیکن ہمیں اس تاویل سے ہرگز اتفاق نہیں ہے۔
واللہ اعلم۔
هداية القاري شرح صحيح بخاري، اردو 4264