🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: ابتدائے اسلام میں شرابی کو مارنے کی حد مقرر نہ تھی، جوتوں اور چھڑیوں سے اس کی...
حدیث حاشیہ:
ابتدائے اسلام میں شرابی کو مارنے کی حد مقرر نہ تھی، جوتوں اور چھڑیوں سے اس کی مرمت کرنے پر اکتفا کیا جاتا تھا، پھر رسول اللہ صلی اللہ علیہ وسلم نے شرابی کو سزا چالیس چھڑیاں مقرر فرمائی۔
حضرت ابوبکر رضی اللہ عنہ کے عہد خلافت میں بھی یہی سزا رہی۔
حضرت عمر رضی اللہ عنہ نے جب دیکھا کہ لوگ اس سزا سے شراب نوشی سے باز نہیں آ رہے تو انھوں نے صحابۂ کرام رضی اللہ عنہم سے مشورہ کیا۔
حضرت عبدالرحمٰن بن عوف رضی اللہ عنہ نے کہا کہ ہلکی سے ہلکی حد اسّی (80)
کوڑے ہیں تو حضرت عمر رضی اللہ عنہ نے اسّی کوڑے مارنے کا حکم دیا۔
(فتح الباري: 78/12)
حضرت علی رضی اللہ عنہ نے فرمایا:
جب شرابی نشے میں ہوتا ہے تو بکواس کرتا ہے اور بہتان باندھتا ہے، بہتان باندھنے والے کی سزا اسّی (80)
کوڑے ہیں۔
اسی تعداد کو سرکاری طور پر نافذ کردیا گیا۔
(المصنف لعبدالرزاق، حدیث: 13542)
هداية القاري شرح صحيح بخاري، اردو 6773