🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: 1۔ اطاعت سے مراد احکام کی بجاآوری اور منہیات سے رک جانا ہے۔ رسول اللہ صلی اللہ...
حدیث حاشیہ:
1۔
اطاعت سے مراد احکام کی بجاآوری اور منہیات سے رک جانا ہے۔
رسول اللہ صلی اللہ علیہ وسلم کی اطاعت بعینہ اللہ کی اطاعت اس لیے ہے کہ وہی آپ صلی اللہ علیہ وسلم کو حکم دیتا ہے۔
اسی طرح حکومت کا نظم ونسق قائم رکھنے کے لیے حکام وقت کی بات مانناضروری ہے اور ان کی اطاعت کو رسول اللہ صلی اللہ علیہ وسلم نے اپنی اطاعت قراردیا ہے۔
لیکن اگر کوئی حاکم وقت قرآن وحدیث کے خلاف حکم دے تو اسے چھوڑ کر قرآن وحدیث پر عمل کرنا ہوگا تاکہ شریعت کی بالادستی قائم رہے۔
2۔
قریش،نظام حکومت سے ناواقف اور انجان تھے اور اپنے حکام کی بات نہیں مانتے تھے،اس لیے آپ صلی اللہ علیہ وسلم نے امیر کی اطاعت کواُجاگر کیا ہے،چنانچہ ایک دفعہ آپ صلی اللہ علیہ وسلم صحابہ کرام رضوان اللہ عنھم اجمعین کی جماعت میں تشریف فرما تھے تو فرمایا:
\"کیا تمھیں علم نہیں ہے کہ میری اطاعت اللہ کی علامت ہے؟\"صحابہ رضوان اللہ عنھم اجمعین نے جواب دیا:
کیوں نہیں!آپ صلی اللہ علیہ وسلم نے فرمایا:
\"یہ بھی اطاعت کا حصہ ہے کہ تم اپنے امراء حکام کا کہامانو۔
واللہ اعلم۔
(مسنداحمد 2/93) w
هداية القاري شرح صحيح بخاري، اردو 7137