🏠 👥 🔍 🧩 🅰️ 📌 ↩️

الشیخ عبدالستار الحماد حفظہ اللہ
حدیث حاشیہ: 1۔ رسول اللہ صلی اللہ علیہ وسلم کی دور میں عراق کسریٰ کے قبضے میں تھا۔ وہاں...
حدیث حاشیہ:
1۔
رسول اللہ صلی اللہ علیہ وسلم کی دور میں عراق کسریٰ کے قبضے میں تھا۔
وہاں کے لوگ مسلمان نہیں تھے اس لیے آپ صلی اللہ علیہ وسلم نے اہل عراق کے لیے کوئی میقات مقرر نہیں کیا۔
اس وقت شام وغیرہ کے لوگ اسلام میں داخل ہوچکے تھے، اس لیے ان کے مقام جحفہ میقات مقرر کیا۔
2۔
حدیث میں ہے کہ جب کوفہ اور بصرہ فتح ہوئے تو وہاں کے باشندے حضرت عمر رضی اللہ تعالیٰ عنہ کے پاس آئے، انھوں نے عرض کی کہ رسول اللہ صلی اللہ علیہ وسلم نے اہل نجد کے لیے قرن المنازل کو میقات مقرر کیا ہے جو ہمارے راستے سے بہت دور پڑتا ہے تو حضرت عمر رضی اللہ تعالیٰ عنہ نے اس کے بالمقابل مقام ذات عرق کو اہل عراق کے لیے میقات مقرر فرمایا۔
(صحیح البخاري، الحج، حدیث: 1531)
بہرحال اس حدیث میں ان میقات کی عظمت کا ذکر ہے، اس لیے امام بخاری رحمۃ اللہ علیہ نے اسے یہاں بیان کیا ہے۔
هداية القاري شرح صحيح بخاري، اردو 7344