🏠 👥 🔍 🧩 🅰️ 📌 ↩️

الشیخ عبدالسلام بن محمد حفظہ اللہ
فائدہ: اس حدیث کی شرح (596) میں ملاحظہ فرمائیں۔ بظاہر اس باب کا کوئی فائدہ معلوم نہیں ہوتا مگر...
فائدہ:
اس حدیث کی شرح (596) میں ملاحظہ فرمائیں۔ بظاہر اس باب کا کوئی فائدہ معلوم نہیں ہوتا مگر دراصل ایسے ابواب سے امام بخاری کسی شخص کی کسی بات کا رو کر رہے ہوتے ہیں، جیسا کہ اس سے پہلے ابن سیرین کے اس قول کا حدیث کے ساتھ رد کیا تھا کہ ”ہم سے نماز رہ گئی۔“ یہاں فتح الباری میں ابراہیم نخعی کا قول ذکر کیا ہے کہ یہ کہنا مکروہ ہے کہ ہم نے نماز نہیں پڑھی۔ ان کے خیال میں اس سے نماز تے بے امتنائی کا اظہار ہوتا ہے۔ یہاں ایک سوال ہے کہ باب میں ہے ”آدمی کا نبی صلی اللہ علیہ وسلم سے کہنا“ جب کہ اس حدیث میں کسی آدمی نے نبی صلی اللہ علیہ وسلم سے نہیں بلکہ نبی صلی اللہ علیہ وسلم نے ایک آدمی (عمر رضی اللہ عنہ) سے کہا: «وَاللهِ! مَا صَلَّيْتُهَا» ”اللہ کی قسم! میں نے بھی نماز نہیں پڑھی۔“ جواب اس کا یہ ہے کہ امام بخاری رحمہ اللہ کی عادت ہے کہ وہ حدیث کے کسی اور طریق کی طرف اشارہ کر دیتے ہیں، چنانچہ صحیح بخاری میں اسی حدیث میں ہے کہ عمر رضی اللہ عنہ نے نبی صلی اللہ علیہ وسلم سے یہ الفاظ کہے: «يَا رَسُولَ اللهِ مَا صَلَّيْتُ الْعَصْرَ حَتَّى كَادَتِ الشَّمْسُ أَنْ تَغِيْبَ» [بخاري: 945] ”یا رسول اللہ! میں نے عصر نہیں پڑھی، یہاں تک کہ سورج غروب ہونے کے قریب ہو گیا۔“ خلاصہ یہ کہ یہ کہنے میں کوئی حرج نہیں کہ ہم نے نماز نہیں پڑھی، خصوصاً اس لیے کہ اس حدیث میں خود رسول اللہ صلی اللہ علیہ وسلم نے یہ الفاظ کہے ہیں۔
فتح السلام بشرح صحیح البخاری الامام 641