🏠 👥 🔍 🧩 🅰️ 📌 ↩️

حافظ زبیر علی زئی رحمہ اللہ
خطبۃ الحاجہ کے نام سے خطبۂ نکاح تنبیہ: سنن ابی داود (2118) سنن الترمذی (1105) سنن النسائی (1405) اور...
خطبۃ الحاجہ کے نام سے خطبۂ نکاح
تنبیہ: سنن ابی داود (2118) سنن الترمذی (1105) سنن النسائی (1405) اور سنن ابن ماجہ (1892) میں خطبۃ الحاجہ کے نام سے خطبۂ نکاح مذکور ہے، جس میں تین آیات کی تلاوت کا بھی ذکر ہے: (النساء 1) (آل عمران 102) اور (الاحزاب 70۔ 71)
اس خطبے کی دو سندیں ہیں:
➊ «شعبه وغيره عن أبى إسحاق عن أبى عبيدة عن عبدالله بن مسعود رضي الله عنه»
یہ سند منقطع ہے۔
➋ شعبہ کے علاوہ دیگر راوی:
«عن أبى إسحاق السبيعي عن أبى الأحوص عن عبدالله بن مسعود رضي الله عنه»
اس کی سند ابواسحاق مدلس کی تدلیس یعنی عن کی وجہ سے ضعیف ہے۔
مسند احمد [1/ 393 ح 3721] میں شعبہ کی ابواسحاق عن ابی الاحوص کی سند سے ایک مبتور (کٹی ہوئی، بغیر مکمل سند و متن کے) روایت ہے لیکن اس میں ابوالاحوص کے بعد کی سند مذکور نہیں، لہٰذا یہ روایت منقطع ہے۔
امام بیہقی [7/ 146] نے صحیح سند کے ساتھ شعبہ سے روایت کیا: «عن أبى إسحاق عن أبى عبيدة قال: و أراه عن أبى الأحوص عن عبدالله عن النبى صلى الله عليه وسلم» معلوم ہوا کہ یہ سند «أراه» کی وجہ سے مشکوک یعنی ضعیف ہے۔
رسول اللہ صلی اللہ علیہ وسلم سے سورۃ النساء کی پہلی آیت اور سورۃ الحشر کی اٹھارھویں (18) آیت خطبے میں پڑھنا ثابت ہے۔
. . . اصل مضمون کے لئے دیکھیں . . .
ماہنامہ الحدیث شمارہ 75 صفحہ 17 اور علمی مقالات جلد 3 صفحہ 157
تحقیقی و علمی مقالات للشیخ زبیر علی زئی 157