🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
یہ احادیث دلیل ہیں کہ وضو اور غسل کے لیے کم از کم پانی استعمال کرنا چاہیے۔
اور حتی المقدور اتنا پانی استعمال کیا جائے، جس سے طہارت حاصل ہو جائے۔
پانی کا اسراف مکروہ فعل ہے۔
پھر وضو کے لیے مد اور غسل کے لیے صاع کی تعیین و تقیید درست نہیں۔
کیونکہ آپ کا غسل کے لیے صاع سے زیادہ اور وضو کے لیے مد سے زیادہ پانی استعمال کرنا ثابت ہے۔
بلکہ حاصل کلام یہ ہے کہ نجاست کے ازالہ اور حصول طہارت کے لیے پانی کے استعمال میں انتہائی احتیاط برتی جائے۔
نوٹ: ....... حجازی صاع سوا دو سیر (دو سیر چار چھٹانک) کا ہوتا ہے اور عراقی صاع تین سیر چھ چھٹانک کا ہوتا ہے۔
صحیح ابن خزیمہ شرح از محمد فاروق رفیع 117