الشیخ محمد فاروق رفیع حفظہ اللہ
فوائد:
ان احادیث میں غروبِ آفتاب سے قبل کچھ آداب ہیں، جن پر عمل کرتے ہوئے انسان بہت سی بیماریوں، بلاؤں اور ایذاؤں سے محفوظ رہ سکتا ہے۔ نیز یہ آداب دنیا و آخرت کی خیر اور سلامتی کا باعث ہیں۔
➊ سرِ شام بسم اللہ پڑھ کر گھر کے دروازے بند کر لیے جائیں۔ اس کی حکمت یہ ہے کہ شام کے وقت شیاطین روئے زمین پر منتشر ہوتے اور اپنی خباثتوں کی ترویج کرتے ہیں۔ لہذا جس دروازے کو بسم اللہ پڑھ کر بند کیا جائے، شیطان اس دروازے کو کھولنے سے قاصر اور گھر میں داخل ہونے سے باز رہتا ہے، جس سے اہل خانہ شیطانی شرارتوں اور ہلاکت آفرینیوں سے محفوظ رہتے ہیں، جس میں ان کی دنیا و آخرت کی بھلائی ہے۔
➋ غروبِ آفتاب سے قبل برتن الٹا دیے جائیں، ان پر ڈھکنے رکھ دیے جائیں یا کم از کم چوڑائی میں ان پر لکڑی وغیرہ رکھ دی جائے اور مشکیزوں کے سر بند باندھ دیے جائیں۔
◈ امام نووی رحمہ اللہ فرماتے ہیں کہ اس کے کئی فوائد ہیں:
➊ ایسا برتن اور مشکیزہ شیطانی دسترس سے محفوظ رہتا ہے۔ چنانچہ شیطان ڈھکے ہوئے برتن کا ڈھکنا نہیں اتار سکتا اور بند مشکیزے کا سر نہیں کھول سکتا۔
➋ ایسے برتن اور مشکیزے اس وبا سے محفوظ رہتے ہیں جو سال میں ایک رات نازل ہوتی ہے اور ہر کھلے برتن اور مشکیزے میں داخل ہو جاتی ہے۔
➌ ایسے برتن نجاستوں اور غلاظتوں سے محفوظ رہتے ہیں۔
➍ ایسے برتن حشرات الارض اور زہریلے کیڑوں مکوڑوں سے محفوظ رہتے ہیں، کیونکہ بعض اوقات حشرات الارض کھلے برتن میں گر جاتے ہیں اور انسان غفلت میں پانی وغیرہ استعمال کر لیتا ہے پھر وہ اس سے تکلیف اٹھاتا ہے۔ [شرح صحيح مسلم للنووي: 182/13]
➌ ❀ رات کے وقت سونے سے قبل دیے اور لالٹینیں گل کر دی جائیں کیونکہ آگ انسانوں کی دشمن ہے اور چوہا وغیرہ دیے کی بتی کو کھینچ کر پورے گھر کو آگ لگا دیتا ہے اور عہدِ رسالت میں مدینہ میں ایک گھر اس وجہ سے جل بھی گیا تھا۔ لہذا آپ صلی اللہ علیہ وسلم نے حفظِ ماتقدم کے طور پر رات کے وقت چراغ بجھانے کا حکم صادر فرمایا تھا۔
➍ ❀ سرِ شام اپنے بچوں اور مویشیوں کو گھروں میں روک لیا جائے اور مغرب اور عشاء کے درمیان شروع رات کا اندھیرا ختم نہ ہونے تک انہیں باہر نہ آنے دیا جائے۔ کیونکہ یہ شیاطین کے پھیلنے کا وقت ہوتا ہے اور وہ بچوں اور مویشیوں کو روحانی اور جسمانی نقصان پہنچا سکتے ہیں لہذا انسان اس نبوی نسخہ پر عمل کرتے ہوئے شیطانی تدبیروں اور ان کے حملوں سے محفوظ رہ سکتا ہے۔
ان احادیث میں غروبِ آفتاب سے قبل کچھ آداب ہیں، جن پر عمل کرتے ہوئے انسان بہت سی بیماریوں، بلاؤں اور ایذاؤں سے محفوظ رہ سکتا ہے۔ نیز یہ آداب دنیا و آخرت کی خیر اور سلامتی کا باعث ہیں۔
➊ سرِ شام بسم اللہ پڑھ کر گھر کے دروازے بند کر لیے جائیں۔ اس کی حکمت یہ ہے کہ شام کے وقت شیاطین روئے زمین پر منتشر ہوتے اور اپنی خباثتوں کی ترویج کرتے ہیں۔ لہذا جس دروازے کو بسم اللہ پڑھ کر بند کیا جائے، شیطان اس دروازے کو کھولنے سے قاصر اور گھر میں داخل ہونے سے باز رہتا ہے، جس سے اہل خانہ شیطانی شرارتوں اور ہلاکت آفرینیوں سے محفوظ رہتے ہیں، جس میں ان کی دنیا و آخرت کی بھلائی ہے۔
➋ غروبِ آفتاب سے قبل برتن الٹا دیے جائیں، ان پر ڈھکنے رکھ دیے جائیں یا کم از کم چوڑائی میں ان پر لکڑی وغیرہ رکھ دی جائے اور مشکیزوں کے سر بند باندھ دیے جائیں۔
◈ امام نووی رحمہ اللہ فرماتے ہیں کہ اس کے کئی فوائد ہیں:
➊ ایسا برتن اور مشکیزہ شیطانی دسترس سے محفوظ رہتا ہے۔ چنانچہ شیطان ڈھکے ہوئے برتن کا ڈھکنا نہیں اتار سکتا اور بند مشکیزے کا سر نہیں کھول سکتا۔
➋ ایسے برتن اور مشکیزے اس وبا سے محفوظ رہتے ہیں جو سال میں ایک رات نازل ہوتی ہے اور ہر کھلے برتن اور مشکیزے میں داخل ہو جاتی ہے۔
➌ ایسے برتن نجاستوں اور غلاظتوں سے محفوظ رہتے ہیں۔
➍ ایسے برتن حشرات الارض اور زہریلے کیڑوں مکوڑوں سے محفوظ رہتے ہیں، کیونکہ بعض اوقات حشرات الارض کھلے برتن میں گر جاتے ہیں اور انسان غفلت میں پانی وغیرہ استعمال کر لیتا ہے پھر وہ اس سے تکلیف اٹھاتا ہے۔ [شرح صحيح مسلم للنووي: 182/13]
➌ ❀ رات کے وقت سونے سے قبل دیے اور لالٹینیں گل کر دی جائیں کیونکہ آگ انسانوں کی دشمن ہے اور چوہا وغیرہ دیے کی بتی کو کھینچ کر پورے گھر کو آگ لگا دیتا ہے اور عہدِ رسالت میں مدینہ میں ایک گھر اس وجہ سے جل بھی گیا تھا۔ لہذا آپ صلی اللہ علیہ وسلم نے حفظِ ماتقدم کے طور پر رات کے وقت چراغ بجھانے کا حکم صادر فرمایا تھا۔
➍ ❀ سرِ شام اپنے بچوں اور مویشیوں کو گھروں میں روک لیا جائے اور مغرب اور عشاء کے درمیان شروع رات کا اندھیرا ختم نہ ہونے تک انہیں باہر نہ آنے دیا جائے۔ کیونکہ یہ شیاطین کے پھیلنے کا وقت ہوتا ہے اور وہ بچوں اور مویشیوں کو روحانی اور جسمانی نقصان پہنچا سکتے ہیں لہذا انسان اس نبوی نسخہ پر عمل کرتے ہوئے شیطانی تدبیروں اور ان کے حملوں سے محفوظ رہ سکتا ہے۔
صحیح ابن خزیمہ شرح از محمد فاروق رفیع 133