🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ وضو کے شروع میں بسم اللہ پڑھنا فرض اور صحتِ وضو کے لیے شرط ہے۔
❀ سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:
«لَا صَلَاةَ لِمَنْ لَا وُضُوءَ لَهُ وَلَا وُضُوءَ لِمَنْ لَمْ يَذْكُرِ اسْمَ اللَّهِ تَعَالَى عَلَيْهِ»
”بے وضو شخص کی نماز نہیں اور جو شخص وضو کرتے وقت بسم اللہ نہ پڑھے اس کا وضو نہیں۔“ [سنن أبي داود: 101، سنن ابن ماجه: 399، صحيح الجامع: 2/418، 7514، اسنادہ صحیح]
➋ اگر کوئی شخص وضو کے آغاز میں بسم اللہ پڑھنا بھول جائے تو اس میں کوئی قباحت نہیں، کیونکہ اس سے خطا اور بھول چوک معاف ہے۔
البتہ اگر دورانِ وضو یاد آ جائے تو اسے یاد آنے پر بسم اللہ پڑھ لینی چاہیے۔
صحیح ابن خزیمہ شرح از محمد فاروق رفیع 144