🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ ◈ نووی رحمہ اللہ کہتے ہیں: تمام اہل اسلام کا اجماع ہے کہ اعضائے وضو کو ایک ایک بار دھونا فرض اور تین تین مرتبہ دھونا مسنون ہے۔ اعضائے وضو کو ایک ایک مرتبہ اور تین تین مرتبہ دھونے کے بارے میں اور بعض اعضاء کو تین بار، بعض کو دو مرتبہ اور بعض اعضائے وضو کو ایک ایک مرتبہ دھونے کے بارے میں احادیث صحیحہ وارد ہوئی ہیں۔ علماء بیان کرتے ہیں کہ اس مسئلہ میں روایات کا اختلاف اس بات کی دلیل ہے کہ وضو کی مذکورہ تمام صورتیں جائز ہیں اور اعضائے وضو کو تین تین مرتبہ دھونا اکمل وضو اور ایک ایک مرتبہ دھونا وضو کے لیے کافی ہے۔ [شرح صحيح مسلم للنووي: 105/3]
➋ ◈ اکثر اہل علم کا قول ہے کہ وضو میں اعضاء کو ایک ایک مرتبہ دھونا وضو کی درستگی کے لیے کافی ہے اور تین تین مرتبہ دھونا افضل ہے۔ [المغني مع الشرح الكبير: 159/1]
➌ ◈ بعض اعضائے وضو کو ایک مرتبہ اور بعض کو ایک سے زائد یعنی دو یا تین مرتبہ دھونا جائز ہے۔ [المغني مع الشرح الكبير: 160/1]
صحیح ابن خزیمہ شرح از محمد فاروق رفیع 173