🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
◈ امام نووی رحمہ اللہ فرماتے ہیں:
یہ شرع کا مستعمل قاعدہ ہے (کہ ہر اچھا کام) دائیں ہاتھ سے کرنا مستحب ہے۔ مثلاً شلوار قمیص پہننے، جوتا پہننے، مسجد میں داخل ہونے، مسواک کرنے، سرمہ لگانے، ناخن تراشنے، مونچھیں کاٹنے، کنگھی کرنے، زیر بغل بال اکھاڑنے، سر منڈوانے، نماز سے سلام پھیرنے، اعضائے وضو کو دھونے، بیت الخلا سے نکلنے، کھانے پینے، مصافحہ کرنے اور حجر اسود کا استلام کرنے کے وقت دائیں جانب کی تکریم کی وجہ سے مقدم رکھنا مستحب عمل ہے۔
ان کے متضاد افعال مثلاً بیت الخلا میں داخل ہونے، مسجد سے نکلنے، ناک صاف کرنے، استنجا کرنے، کپڑے اتارنے اور جوتا اتارنے میں بائیں جانب مقدم رکھنا بہتر ہے۔
نیز تمام علماء کا اجماع ہے کہ وضو میں ہاتھ اور پاؤں دھوتے وقت دائیں ہاتھ اور دائیں پاؤں کو مقدم رکھنا مسنون ہے۔
اگر کوئی شخص اس سنت کی مخالفت کرے تو وہ فضیلت سے محروم رہے گا، لیکن اس کا وضو صحیح ہوگا۔
یاد رکھیے! وضو میں بائیں جانب کی تقدیم اگرچہ جائز ہے، لیکن یہ مکروہ فعل ہے۔ [شرح صحيح مسلم للنووي: 159/3]
صحیح ابن خزیمہ شرح از محمد فاروق رفیع 179