🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ حدیث اصل دلیل ہے کہ طہارت اور عدم طہارت کی حالت میں تسبیح، تکبیر، تہلیل اور دیگر اذکار کا اہتمام بالاجماع جائز ہے۔
➋ البتہ علماء کا جنبی اور حائضہ کے لیے قراءتِ قرآن کے جواز میں اختلاف ہے اور جمہور علماء کا موقف ہے کہ جنبی اور حائضہ پر قرآن کی تلاوت کرنا حرام ہے اور مکمل آیت اور بعض حصے کی تلاوت میں کوئی فرق نہیں، ان پر قرآن کی مطلق تلاوت حرام ہے۔
➌ حتیٰ کہ اگر جنبی قرآن کی تلاوت کے ارادہ سے بسم اللہ اور الحمدللہ کہے تو یہ بھی حرام ہے، لیکن اگر اس سے مقصود محض ذکر کرنا ہو تو یہ عمل جائز ہے۔
➍ البتہ جنبی اور حائضہ کا قرآن کو دیکھنا اور دل سے قرآن کا پڑھنا جائز ہے اور غسل کے وقت بطورِ ذکر بسم اللہ پڑھنا مستحب عمل ہے۔
➎ پیشاب، پاخانہ اور جماع کی حالت میں ذکر کرنا مکروہ فعل ہے۔
◈ امام نووی رحمہ اللہ فرماتے ہیں:
[شرح صحيح مسلم للنووي: 67/4]
صحیح ابن خزیمہ شرح از محمد فاروق رفیع 207