🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ ◈ امام نووی رحمہ اللہ فرماتے ہیں:
”احادیث کا خلاصہ یہ ہے کہ جنبی کے لیے غسل سے قبل سونا، کھانا پینا اور جماع کرنا جائز ہے، یہ مجمع علیہ مسئلہ ہے۔
نیز علماء کا اس بات پر اجماع ہے کہ جنبی کا بدن و پسینہ طاہر (پاک) ہیں اور ان تمام امور (سونے، کھانے پینے اور دوبارہ جماع کرنے) کے لیے جنبی کا شرمگاہ دھونا اور وضو کرنا مستحب عمل ہے، جماع سے قبل شرمگاہ دھونے کی خاص تاکید ہے۔
شافعیہ کا واضح موقف ہے کہ جنبی کا وضو سے قبل سونا، کھانا پینا اور دوبارہ جماع کرنا مکروہ ہے۔
اور شافعیہ کا اس مسئلہ میں اتفاق ہے کہ ان امور کے لیے وضو واجب نہیں ہے اور امام مالک اور جمہور علماء کا بھی یہی موقف ہے۔“ [شرح صحيح مسلم للنووي: 3/ 217]
➋ جنبی کے لیے مستحب ہے کہ وہ کھانے پینے، سونے اور دوبارہ جماع کرنے سے قبل نماز والا وضو کرے۔
اس سے مراد شرعی وضو ہے، لغوی وضو (صرف ہاتھ دھونا) مقصود نہیں ہے۔
صحیح ابن خزیمہ شرح از محمد فاروق رفیع 215