🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ وضو کرنے والے کے لیے مستحب ہے کہ وہ وضو سے فارغ ہونے کے بعد ❀ «أَشْهَدُ أَنْ لَا إِلَهَ إِلَّا اللّٰهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ» کہے۔
اور یہ بھی مستحب ہے کہ وہ مذکورہ دعا کے ساتھ اس دعا کو بھی ملا لے۔
❀ «سُبْحَانَكَ اللّٰهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ وَحْدَكَ لَا شَرِيكَ لَكَ أَسْتَغْفِرُكَ وَأَتُوبُ إِلَيْكَ» ۔
◈ نیز شافعیہ کہتے ہیں: غسل کرنے والے کے لیے بھی غسل سے فراغت کے بعد مذکورہ اذکار کا اہتمام مستحب عمل ہے۔ [شرح النووي: 120/3]
➋ ان احادیث سے یہ استدلال درست ہے کہ فرض، مستحب اور مسنون وضو کے بعد مذکورہ ادعیہ کا اہتمام مستحب فعل ہے۔
البتہ ایسے اذکار سے اجتناب کرنا چاہیے جو خود ساختہ اور احادیث صحیحہ سے ثابت نہیں ہیں۔
صحیح ابن خزیمہ شرح از محمد فاروق رفیع 223