🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ تیمم کتاب و سنت اور اجماع کی رو سے ثابت ہے اور یہ اس امت کا خاصہ ہے، جس سے اللہ تعالیٰ نے اسے نوازا اور اس کے شرف میں اضافہ کیا ہے۔
امت کا اس بات پر اجماع ہے کہ یہ تیمم فقط چہرے اور ہاتھوں کا ہے، خواہ حدث اصغر ہو یا حدث اکبر اور خواہ تمام اعضاء یا بعض اعضاء کا تیمم کیا جائے، تیمم میں چہرہ اور دونوں ہاتھ ہی معتبر ہیں۔ [شرح النووي: 55/4]
➋ پانی کی عدم دستیابی کی صورت میں تیمم مشروع ہے اور اس کی کوئی حد معین نہیں، بلکہ یہ تیمم وضو کے قائم مقام ہے اور اس پر وضو کے احکام کا اطلاق ہوتا ہے۔
البتہ پانی کی فراہمی کی صورت میں تیمم ختم ہو جاتا ہے اور اس صورت میں حدث اکبر میں مبتلا شخص کا غسل کرنا لازم ہے اور باقی آدمی آئندہ نماز کے لیے وضو کریں گے۔
➌ اگر پانی دستیاب نہ ہو اور تیمم میں بھی دشواری ہو تو اس صورت میں انسان کا وضو اور تیمم کے بغیر نماز پڑھنا جائز ہے۔
➍ اس حدیث میں خانوادہ ابوبکر صدیق رضی اللہ عنہ کی فضیلت کا بیان ہے کہ یہ خاندان مسلمانوں کے لیے رحمت اور برکت کا باعث تھا اور اس خاندان کی وجہ سے کئی مسائل میں تخفیف ہوتی تھی۔
➎ کسی دنیاوی منفعت کے لیے سفر میں ایسی جگہ اترنا جائز ہے جہاں پانی میسر ہو، وہاں پڑاؤ ڈالنا بہتر ہے۔
کیونکہ پانی کی صورت میں وضو و غسل کی ادائیگی میں آسانی رہتی ہے اور طہارت کی پریشانیوں سے انسان محفوظ رہتا ہے۔
صحیح ابن خزیمہ شرح از محمد فاروق رفیع 262