🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ چہرے اور ہاتھوں کے تیمم کے لیے ایک مرتبہ زمین پر ہاتھ مارنا مشروع ہے۔ عطاء، مکحول، اوزاعی، احمد بن حنبل، اسحاق، صادق اور امامیہ کا یہی مذہب ہے۔
◈ حافظ ابن حجر رحمہ اللہ ** [فتح الباری] ** میں بیان کرتے ہیں کہ ابن منذر رحمہ اللہ نے جمہور علماء سے یہی قول نقل کیا ہے اور اسی قول کو ترجیح دی ہے، نیز عام محدثین بھی اسی موقف کے قائل ہیں۔ [نیل الأوطار: 1/ 283]
➋ ◈ امام شوکانی رحمہ اللہ فرماتے ہیں: صحیحین میں مذکور حدیثِ عمار سے تیمم کے لیے ایک ضرب پر اکتفا کرنا صحیح اور رائج ہے، حتیٰ کہ اس مقدار سے زیادہ کرنا صحیح احادیث سے ثابت ہو جائے۔ [نیل الأوطار: 1/ 274]
تیمم کے لیے ایک سے زیادہ ضرب کے بارے میں جتنی روایات بھی ہیں، وہ ضعیف ہیں اور کلام سے خالی نہیں ہیں۔
➌ ◈ حافظ ابن حجر رحمہ اللہ فرماتے ہیں: تیمم کی مذکورہ صفت (چہرے اور ہاتھوں کا تیمم) واجب ہے اور اس پر اضافہ اگر حکماً ثابت ہو جائے تو مذکورہ طریقہ منسوخ متصور ہو گا اور حکماً اضافی صورت قابل عمل ہو گی۔ لیکن آپ کا فعل حدیث میں بھی مذکورہ طریقہ کی تائید کرتا ہے، سو تیمم کا مکمل طریقہ حدیث میں مذکور طریقہ ہی ہے اور حدیث الدلیل رائج بھی یہی طریقہ ہے۔ [فتح الباري: 1/ 575]
صحیح ابن خزیمہ شرح از محمد فاروق رفیع 267