🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
◈ ابن عربی کہتے ہیں:
اس تمثیل سے مقصود ہے کہ جیسے بدن یا کپڑے پر گندگی لگنے سے انسان میلا اور گندہ ہو جاتا ہے، زیادہ پانی اسے پاک کرتا ہے۔
یہی حال نمازوں کا ہے کہ وہ انسان کو گناہوں کی آلائش سے پاک کرتی ہیں اور اس کا ہر گناہ ساقط کر دیتی ہیں۔
اس حدیث سے بظاہر معلوم ہوتا ہے کہ نمازوں سے صغائر و کبائر تمام گناہ دھل جاتے ہیں، لیکن ◈ ابن بطال کہتے ہیں:
اس سے بالخصوص صغیرہ گناہ مراد ہیں، کیونکہ صغیرہ گناہ میل کچیل کے مشابہ ہیں۔ [فتح الباري: 17/2]
نوٹ: ......
میٹھے پانی سے مراد وہ پانی ہے جو کھارا اور کڑوا نہ ہو، بلکہ پینے کے قابل اور خوشگوار ہو۔
میٹھے پانی سے شکر یا چینی ملا ہوا پانی یعنی شربت مراد نہیں۔
صحیح ابن خزیمہ شرح از محمد فاروق رفیع 310