🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ نماز فجر جلدی (اندھیرے میں) ادا کرنا مستحب فعل ہے۔
مالک، شافعی، احمد اور جمہور علماء رحمہم اللہ کا یہی موقف ہے اور ابو حنیفہ رحمہ اللہ کہتے ہیں کہ صبح کو روشن کرنا افضل ہے۔
➋ عورتوں کا مسجد میں باجماعت نماز میں حاضر ہونا جائز ہے بشرطیکہ فتنے وغیرہ کا خوف نہ ہو۔ ** [شرح النووي: 143/5] **
➌ ◈ ابن قدامہ حنبلی رحمہ اللہ کہتے ہیں:
”نماز فجر اندھیرے میں پڑھنا افضل ہے۔ مالک، شافعی، اور اسحاق بن راہویہ کا یہی مذہب ہے اور ابو بکر و عمر، ابن مسعود، ابو موسیٰ، عبد اللہ بن زبیر اور عمر بن عبد العزیز رحمہم اللہ سے بھی یہی قول منقول ہے۔“ ** [المغني لابن قدامة: 186/2] **
صحیح ابن خزیمہ شرح از محمد فاروق رفیع 351