🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ مؤذن کے کلمات کے جواب سے فارغ ہونے کے بعد نبی صلی اللہ علیہ وسلم پر درود بھیجنا اور آپ صلی اللہ علیہ وسلم کے لیے وسیلہ طلب کرنا مستحب فعل ہے۔ [شرح النووي: 86/4]
➋ وسیلہ سب سے بڑا اعزاز اور بلند ترین مقام ہے، جو فقط رسول اللہ صلی اللہ علیہ وسلم کو حاصل ہوگا، نیز وسیلہ سے مراد مقام شفاعت ہے۔
❀ سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:
«الْوَسِيْلَةُ دَرَجَةٌ عِنْدَاللَّهِ لَيْسَ فَوْقَهَا دَرَجَةٌ، فَسْئَلُوا اللَّهَ اَنْ يُؤْتِيَنِى الْوَسِيْلَةَ.»
”وسیلہ اللہ تعالیٰ کے ہاں بلند ترین درجہ ہے (جس سے بڑا کوئی اعزاز نہیں) لہٰذا اللہ تعالیٰ سے میرے لیے وسیلہ کا سوال کرو۔“ [مسند أحمد: 83/3، صحيح الجامع: 715/1]
➌ ◈ مہلب کہتے ہیں:
”اس حدیث میں اوقات نماز میں دعا کرنے کی ترغیب کا بیان ہے، کیونکہ یہ اوقات دعا کی قبولیت کے اوقات ہیں۔“ [فتح الباري: 126/2]
صحیح ابن خزیمہ شرح از محمد فاروق رفیع 418