🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ مسجد جاتے وقت مذکورہ دعا کا اہتمام کرنا مسنون و مستحب فعل ہے۔
➋ ◈ علماء بیان کرتے ہیں کہ آپ صلی اللہ علیہ وسلم کے اپنے تمام اعضاء اور تمام جہات میں نور کے سوال سے حق کا بیان، حق کی روشنی اور اس کی ہدایت طلبی مقصود ہے، اور آپ صلی اللہ علیہ وسلم نے اپنے تمام اعضاء، جسم، تصرفات و افعال، حالات اور (اوپر، نیچے، دائیں بائیں، آگے پیچھے) تمام جہات میں نور کا سوال اس لیے کیا کہ کوئی چیز اور حصہ کج روی کا شکار نہ ہو (اور انسان شریعت کے مکمل تابع رہے)۔ [شرح النووي: 44/6]
➌ ◈ علامہ سندھی رحمہ اللہ بیان کرتے ہیں، اس نور سے مراد یا تو نیکی کی ہدایت اور توفیق ہے اور یہ توفیق تمام اعضاء کو شامل ہے کیونکہ نیکی کے آثار تمام اعضاء میں ظاہر ہوتے ہیں یا اس نور سے مقصود حقیقی نور ہے کہ روز قیامت اللہ تعالیٰ آپ صلی اللہ علیہ وسلم کے تمام اعضاء کو نور سے منور کرے گا جس سے آپ صلی اللہ علیہ وسلم اور آپ کے پیروکار اس دن کے سخت اندھیرے میں روشنی حاصل کریں گے۔ [شرح سنن النسائي: 294/2]
صحیح ابن خزیمہ شرح از محمد فاروق رفیع 448