🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ ظہر و عصر کی نمازوں کی پہلی رکعات میں سورۂ فاتحہ کے علاوہ کسی اور سورت کی تلاوت اور آخری دو رکعات میں فقط سورۂ فاتحہ کی قرأت کافی ہے۔
➋ ◈ نووی رحمہ اللہ فرماتے ہیں (احادیث الباب) دلیل ہیں کہ نماز کی تمام رکعات میں سورۂ فاتحہ کی قرأت لازم ہے اور ابوحنیفہ ظہر و عصر کی آخری دو رکعات میں سورۂ فاتحہ کی قرأت واجب قرار نہیں دیتے۔
بلکہ انہوں نے آخری دو رکعات میں قرأت، تسبیح اور خاموشی اختیار کرنے میں اختیار دیا ہے۔ (ان میں سے جو صورت اختیار کرلو درست ہے)
لیکن جمہور علماء ہر رکعت میں سورۂ فاتحہ کی قرأت کے وجوب کے قائل ہیں۔
اور یہ موقف راجح اور سنن صحیحہ کے قریب تر ہے۔ [شرح النووي: 174/4]
صحیح ابن خزیمہ شرح از محمد فاروق رفیع 504