🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
◈ شارحِ مصابیح بیان کرتے ہیں: اس واقعہ سے یہ جواز نہیں نکلتا کہ جو سورہ فاتحہ اور تلاوتِ قرآن کا استحضار نہ کرے وہ تمام زمانہ مذکورہ کلمات کو نماز میں معمول بنا لے۔
کیونکہ جو شخص مذکورہ کلمات سیکھ سکتا ہے وہ لامحالہ سورہ فاتحہ سیکھنے پر بھی قادر ہو گا، بلکہ صحابی کے قول کی تاویل یہ ہے کہ اس وقت (جبکہ نماز کا وقت ہو چکا تھا) وہ قرآن یاد کرنے کی استطاعت نہیں رکھتے تھے اور نماز سے فراغت کے بعد سورہ فاتحہ سیکھنا ان پر لازم تھا۔
نیز احادیث الباب دلیل ہیں کہ جو شخص قرآن سیکھ نہ سکے، اس کے لیے نماز میں مذکورہ کلمات کہنا کافی ہیں۔
اور ان احادیث میں یہ ثابت نہیں کہ مذکورہ کلمات مکرر کہے جائیں، بلکہ ان کلمات کو نماز میں ایک مرتبہ کہنا ہی کافی ہے۔
البتہ بعض علماء کا موقف ہے کہ نماز میں یہ کلمات تین بار کہے جائیں۔
نیز ہر رکعت میں سورہ فاتحہ کے وجوب کے قائلین کا موقف ہے کہ مذکورہ کلمات نماز کی ہر رکعت میں کہے جائیں۔ [نیل الأوطار: 233/2]
صحیح ابن خزیمہ شرح از محمد فاروق رفیع 545