🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
سجدہ کرنے والے پر لازم ہے کہ وہ سجدہ میں اپنی ہتھیلیاں زمین پر رکھے اور وہ اپنی کہنیاں زمین سے اور اپنے پہلوؤں سے خوب بلند رکھے کہ اگر بغلیں ڈھکی نہ ہوں تو بغلوں کا اندرونی حصہ واضح نظر آئے۔
سجدہ کے اس ادب کے استحباب پر علماء کا اتفاق ہے اور اگر نمازی یہ طریقہ ترک کر دے وہ خطا کا مرتکب ہوگا، لیکن اس کی نماز صحیح ہوگی۔
یہ نہی تنزیہی ہے۔
◈ علماء بیان کرتے ہیں: مذکورہ فعل کی حکمت یہ ہے کہ اس عمل میں انتہائی تواضع اور انکساری ہے۔
نیز اس طرح چہرہ اور پیشانی اچھی طرح زمین پر لگتے ہیں اور یہ سستی و کاہلی کی صورتوں سے بعید تر ہے۔
نیز سجدہ میں بازو پھیلانا کتے سے مشابہت ہے اور اس فعل سے معلوم ہوتا ہے کہ نمازی سستی اور عدم اہتمام کا شکار ہے۔ [شرح النووي: 308/4]
صحیح ابن خزیمہ شرح از محمد فاروق رفیع 650