🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ اس حدیث میں سجدہ میں کثرت سے دعا کرنے کی ترغیب ہے اور صحیح مسلم میں وارد ہے کہ آپ صلی اللہ علیہ وسلم نے فرمایا:
❀ «أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ، فَأَكْثِرُوا الدُّعَاءَ»
”سجدہ میں انسان اپنے رب کے قریب ترین ہوتا ہے، سو (حالت سجدہ میں) کثرت سے دعا کرو۔“ [صحیح مسلم: 482]
➋ سجدہ میں تسبیح «سُبْحَانَ رَبِّيَ الْأَعْلَى» اور دیگر ادعیہ کو ملا کر پڑھنا مستحب فعل ہے۔
اس سے سجدہ کے بارے میں منقول احادیث پر بہتر طریقے سے عمل ہو گا، نیز رکوع میں تعظیم اور سجدہ میں اجتہاد کا حکم جمہور علماء کے نزدیک استحباب پر محمول ہے۔ [نیل الأوطار: 259/2]
صحیح ابن خزیمہ شرح از محمد فاروق رفیع 674