الشیخ محمد فاروق رفیع حفظہ اللہ
فوائد:
➊ حدیث مطلق تشہد پر دلالت کرتی ہے، لیکن آئندہ حدیث دلیل ہے کہ مذکورہ استعاذہ کا محل آخری تشہد ہے۔
❀ سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:
«إِذَا فَرَغَ أَحَدُكُمْ مِنَ التَّشَهُّدِ الْآخِرِ، فَلْيَتَعَوَّذْ بِاللَّهِ مِنْ أَرْبَعٍ: مِنْ عَذَابِ جَهَنَّمَ، وَمِنْ عَذَابِ الْقَبْرِ، وَمِنْ فِتْنَةِ الْمَحْيَا وَالْمَمَاتِ، وَمِنْ شَرِّ الْمَسِيحِ الدَّجَّالِ»
”جب تم میں سے کوئی شخص آخری تشہد سے فارغ ہو تو وہ چار چیزوں کے شر سے: عذابِ جہنم، عذابِ قبر، زندگی اور موت کا فتنہ اور مسیح دجال کے شر سے اللہ کی پناہ طلب کرے۔“ [صحيح مسلم: 588، سنن أبي داود: 983، صحيح ابن حبان: 1967، مسند أحمد: 237/2]
➋ ◈ امام شوکانی رحمہ اللہ فرماتے ہیں:
”اس حدیث میں اس استعاذہ کے محل کی تعیین ہے کہ اس کا محل آخری تشہد کے بعد ہے اور یہ حدیث مقید ہے اور حدیثِ عائشہ رضی اللہ عنہا سے مطلق ہے۔
لہٰذا حدیثِ عائشہ کو اس مقید روایت پر محمول کیا جائے گا اور اس حدیث میں ابن حزم کے اس موقف کی بھی تردید ہے کہ تشہدِ اول پر بھی یہ مسئلہ مذکورہ (استعاذہ) واجب ہے، نیز جن روایات میں نمازی کو اجازت ہے کہ وہ تشہد کے بعد حسبِ منشا جس مرضی دعا کا انتخاب کر لے، اس دعا کی اس استعاذہ کے بعد اجازت ہے۔“
«فَلْيَتَعَوَّذْ» اس امر سے مذکورہ استعاذہ کے وجوب پر استدلال کیا گیا ہے اور بعض اہل ظاہر اس استعاذہ کے وجوب کے قائل ہیں اور طاؤس سے بھی یہی منقول ہے۔
اور رائج موقف یہی ہے کہ اگر یہ حکم حدیثِ مسیءُ الصلوٰۃ کے بعد کا ہو تو مذکورہ استعاذہ کا اہتمام واجب ہے۔ [نيل الأوطار: 304/2-305]
➊ حدیث مطلق تشہد پر دلالت کرتی ہے، لیکن آئندہ حدیث دلیل ہے کہ مذکورہ استعاذہ کا محل آخری تشہد ہے۔
❀ سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:
«إِذَا فَرَغَ أَحَدُكُمْ مِنَ التَّشَهُّدِ الْآخِرِ، فَلْيَتَعَوَّذْ بِاللَّهِ مِنْ أَرْبَعٍ: مِنْ عَذَابِ جَهَنَّمَ، وَمِنْ عَذَابِ الْقَبْرِ، وَمِنْ فِتْنَةِ الْمَحْيَا وَالْمَمَاتِ، وَمِنْ شَرِّ الْمَسِيحِ الدَّجَّالِ»
”جب تم میں سے کوئی شخص آخری تشہد سے فارغ ہو تو وہ چار چیزوں کے شر سے: عذابِ جہنم، عذابِ قبر، زندگی اور موت کا فتنہ اور مسیح دجال کے شر سے اللہ کی پناہ طلب کرے۔“ [صحيح مسلم: 588، سنن أبي داود: 983، صحيح ابن حبان: 1967، مسند أحمد: 237/2]
➋ ◈ امام شوکانی رحمہ اللہ فرماتے ہیں:
”اس حدیث میں اس استعاذہ کے محل کی تعیین ہے کہ اس کا محل آخری تشہد کے بعد ہے اور یہ حدیث مقید ہے اور حدیثِ عائشہ رضی اللہ عنہا سے مطلق ہے۔
لہٰذا حدیثِ عائشہ کو اس مقید روایت پر محمول کیا جائے گا اور اس حدیث میں ابن حزم کے اس موقف کی بھی تردید ہے کہ تشہدِ اول پر بھی یہ مسئلہ مذکورہ (استعاذہ) واجب ہے، نیز جن روایات میں نمازی کو اجازت ہے کہ وہ تشہد کے بعد حسبِ منشا جس مرضی دعا کا انتخاب کر لے، اس دعا کی اس استعاذہ کے بعد اجازت ہے۔“
«فَلْيَتَعَوَّذْ» اس امر سے مذکورہ استعاذہ کے وجوب پر استدلال کیا گیا ہے اور بعض اہل ظاہر اس استعاذہ کے وجوب کے قائل ہیں اور طاؤس سے بھی یہی منقول ہے۔
اور رائج موقف یہی ہے کہ اگر یہ حکم حدیثِ مسیءُ الصلوٰۃ کے بعد کا ہو تو مذکورہ استعاذہ کا اہتمام واجب ہے۔ [نيل الأوطار: 304/2-305]
صحیح ابن خزیمہ شرح از محمد فاروق رفیع 721