🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
علماء بیان کرتے ہیں کہ ایک کپڑے کی صورت میں اسے کندھوں پر ڈالنے کی حکمت یہ ہے کہ ازار باندھنے کے بعد اگر کندھوں پر کپڑا نہ ہو تو شرمگاہ کے کھلنے کا اندیشہ رہتا ہے، اس کے برعکس کندھوں پر کپڑا ہو تو شرمگاہ کے کھلنے کا ڈر نہیں ہوتا۔
نیز اگر کندھوں سے گزار کر گردن کے پیچھے کپڑا نہ باندھا ہو تو دورانِ نماز ایک ہاتھ یا دونوں ہاتھوں سے کپڑا پکڑنے کی ضرورت ہوتی ہے۔
کندھوں پر کپڑا نہ ڈالنے کی صورت میں بالائی بدن کا ستر اور موضع زینت بھی متروک رہتی ہے۔
جبکہ اللہ تعالیٰ نے زینت اختیار کرنے کا حکم دیا ہے۔
➊ ◈ امام مالک، امام ابو حنیفہ، امام شافعی اور جمہور علماء کا موقف ہے کہ یہ نہی تنزیہی ہے، تحریمی نہیں ہے۔
چنانچہ اگر کوئی شخص ستر بند باندھ کر اس حال میں نماز پڑھے کہ اس کے کندھے ننگے ہوں تو کراہت کے باوجود اس کی نماز درست ہے، خواہ وہ کندھوں پر کپڑا ڈالنے پر قادر ہو۔
➋ ◈ امام احمد اور بعض سلف کا موقف ہے کہ اگر انسان کندھے پر کپڑا رکھنے کی قدرت رکھنے کے باوجود کندھے ننگے رکھے تو ظاہر احادیث کی رو سے اس کی نماز باطل ہے۔ [شرح النووي: 231/4]
مؤخر الذکر موقف راجح ہے۔
صحیح ابن خزیمہ شرح از محمد فاروق رفیع 762