🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ نمازی کا اس کے سامنے سے گزرنے والے شخص کو روکنا مندوب ہے، بشرطیکہ نماز کا سُترہ ہو۔
➋ قصداً یا غیر ارادی طور پر نمازی کے سامنے سے گزرنے والے کو نمازی کے روکنے پر باز آ جانا چاہیے، ورنہ نمازی اسے زبردستی روک سکتا ہے، حتیٰ کہ ایسے شخص سے لڑائی کرنا بھی روا ہے۔
➌ نمازی کے سامنے سے زبردستی گزرنا شیطانی فعل ہے، لہٰذا اس عمل پر انسان کو شیطان اکساتا ہے، اجتناب لازم ہے۔
➍ نمازی کا سامنے سے گزرنے والے شخص کو روکنا اور باز نہ آنے پر اس سے لڑائی کرنے سے نماز باطل نہیں ہوتی۔
صحیح ابن خزیمہ شرح از محمد فاروق رفیع 817