🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ افعال و عبادات میں انبیاء علیہم السلام سے بھول چوک سرزد ہو جاتی ہے، لیکن وہ اس بھول پر قائم نہیں رہتے، بلکہ ان کی اصلاح کر دی جاتی ہے۔
➋ اکیلا شخص ایسی چیز کے اثبات کا دعویٰ کرے جو کام مجمعِ عام کے سامنے ہوا ہے، تو اس بارے میں حاضرین سے ضرور پوچھنا چاہیے، اس صورت میں محض اس اکیلے شخص کی بات پر عمل درآمد نہیں ہو گا۔
➌ اس میں سہو کے دو سجدوں کا اثبات ہے۔ ہر سجدے پر اللہ اکبر کہا جائے گا اور یہ دونوں سجدے نماز کے سجدوں کی مثل ہیں۔ کیونکہ اگر یہ خلافِ معمول ہوتے تو اس کی وضاحت کر دی جاتی۔ سجدہ سہو کے آخر میں سلام پھیرا جائے گا، نیز سجدہ سہو میں تشہد مشروع ہے۔
➍ نماز میں بھول کر کلام کرنا یعنی جسے یقین ہے کہ وہ حالتِ نماز میں نہیں، اس سے نماز باطل نہیں ہوتی۔ جمہور سلف و خلف مثلاً ابن عباس، عبد اللہ بن زبیر، عروہ، عطاء، حسن بصری، شعبی، قتادہ، اوزاعی، مالک، شافعی، احمد، اور جمیع محدثین کا یہی مسلک ہے۔ [شرح النووي: 70/6]
صحیح ابن خزیمہ شرح از محمد فاروق رفیع 860