🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ علماء نے اس حدیث کے مفہوم کی تعیین میں اختلاف کیا ہے، لیکن راجح موقف، جس کی تحقیق اہل لغت اور محدثین کی اکثریت قائل ہے، یہ ہے کہ مختصر سے مراد وہ شخص ہے جو حالت نماز میں اپنا ہاتھ اپنے پہلو پر رکھتا ہے۔ [شرح النووي: 35/5]
➋ یہ حدیث دلیل ہے کہ نماز میں اختصار (پہلوؤں پر ہاتھ رکھنا) حرام فعل ہے اور اہل ظاہر کا یہی مذہب ہے اور ابن عباس، ابن عمر، عائشہ اور ابراہیم نخعی، مجاہد، ابوجعفر، مالک، اوزاعی، شافعی اور اہل کوفہ کا موقف یہ ہے کہ یہ عمل مکروہ ہے۔
اہل ظاہر کا موقف راجح ہے کیونکہ یہاں کوئی قرینہ صارفہ نہیں جو نہی کو تحریم حقیقی کے معنی سے کراہت میں تبدیل کرے۔ [نیل الأوطار: 352/2]
صحیح ابن خزیمہ شرح از محمد فاروق رفیع 908