🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ اعمال، بالخصوص نماز میں ریا کاری کی خاطر اعمال کو خوب آرائش و تزئین دینا ناقابلِ معافی جرم اور شرکِ اصغر ہے۔
جس کی شدید مذمت کی گئی ہے، لہٰذا اعمال بجا لاتے وقت فقط اللہ تعالیٰ کی رضا اور خوشنودی مطلوب ہونی چاہیے، اس کے سوا عبادات کا اہتمام و انعقاد رائیگاں ہے۔
➋ ریا کاری کی نماز اور دیگر اعمال شرفِ قبولیت سے محروم رہتے ہیں اور روزِ قیامت جب انسان کو اپنے اعمال کی ازحد ضرورت ہوگی، ریا کار کو بے عمل قرار دیا جائے گا اور اللہ تعالیٰ اس پر سخت برہم ہوں گے۔
اور جن کے دکھلاوے کے لیے یہ اعمال بجا لاتا تھا، ان سے طلبِ ثواب کے لیے ان کی طرف زبردستی بھیجا جائے گا، جو اس کے لیے سخت محرومی اور انتہائی ذلت کا مقام ہوگا۔ العیاذ باللہ۔
صحیح ابن خزیمہ شرح از محمد فاروق رفیع 938