🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ دورانِ سفر قصر نماز ادا کرنا واجب ہے۔
◈ خطابی رحمہ اللہ کہتے ہیں: اکثر علماءِ سلف اور فقہاء کا مذہب ہے کہ سفر میں نماز قصر کرنا واجب ہے۔
علی، عمر، ابن عمر، ابن عباس رضی اللہ عنہم، عمر بن عبدالعزیز، قتادہ اور حسن بصری بھی اسی موقف کے قائل ہیں۔
نیز امام شوکانی نے اسی موقف کو راجح قرار دیا ہے۔ [نیل الأوطار: 214/3]
➋ ◈ عبدالرحمن مبارکپوری بیان کرتے ہیں: سننِ نبویہ اور آثارِ مصطفویہ کے متبعین کے شایانِ شان ہے کہ وہ سفر میں قصر نماز کا التزام کریں، جیسا کہ نبی صلی اللہ علیہ وسلم نے سفر میں ہمیشہ قصر کی ہے۔ [تحفة الأحوذي: 73/3]
صحیح ابن خزیمہ شرح از محمد فاروق رفیع 944