🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ حالت سفر میں ظہر و عصر اور مغرب و عشاء کو مقدم و مؤخر کر کے ایک نماز کے وقت میں دونوں نمازیں جمع کرنا جائز ہے۔ خواہ سفر میں جلدی مقصود ہو یا نہ ہو۔
➋ اکثر اہل علم مثلاً سعید بن زید، سعد، اسامہ، معاذ بن جبل، ابو موسیٰ، ابن عباس اور ابن عمر رضی اللہ عنہم اس جواز کے قائل ہیں اور طاؤس، مجاہد، عکرمہ، مالک، ثوری، اسحاق، ابو ثور اور ابن منذر سے بھی یہی قول منقول ہے۔ لیکن حسن بصری، ابن سیرین اور اصحاب الرائے کا موقف ہے کہ نمازوں کو جمع کرنا عرفہ کے دن عرفہ میں اور مزدلفہ میں مزدلفہ کی رات ہی جائز ہے۔ اس بارے میں جمہور علماء کا قول راجح ہے کیونکہ احادیثِ باب ان کے موقف کی قوی دلیل ہیں۔ [المغنی لابن قدامه: 55/4]
صحیح ابن خزیمہ شرح از محمد فاروق رفیع 967