🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث مالک، شافعی، احمد اور جمہور علماء کے موقف کی دلیل ہیں کہ جو شخص بھول کر نماز کی ایک رکعت زائد پڑھ لے، اس کی نماز باطل نہیں ہوگی۔
بلکہ اگر سلام پھیرنے کے بعد علم ہو کہ اس نے زائد رکعت پڑھی ہے، تب بھی اس کی نماز صحیح متصور ہوگی۔
اور اگر سلام پھیرنے کے بعد جلد علم ہو جائے تو وہ سجدہ سہو کے دو سجدے کرے گا اور اگر طویل عرصہ ہوچکا ہو تو ہمارے نزدیک راجح یہ ہے کہ وہ سجدہ سہو کے سجدے نہیں کرے گا۔ [شرح النووی: 5/63]
➋ نماز میں بھول کر اضافے کی صورت میں سلام پھیرنے کے بعد سجدہ سہو کے سجدے مستحب ہیں۔
صحیح ابن خزیمہ شرح از محمد فاروق رفیع 1057