🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ مذکورہ احادیث دلیل ہیں کہ قنوتِ وتر میں مذکورہ دعا کا اہتمام مشروع ہے اور عشرہ، ابو حنیفہ رحمہ اللہ اور شافعیہ رحمہ اللہ کا بھی یہی موقف ہے کہ تمام سال قنوتِ وتر کا اہتمام مشروع ہے۔ [نیل الأوطار: 48/3]
➋ قنوتِ وتر رکوع سے قبل ہے۔
◈ ابن ابی شیبہ، علقمہ سے روایت کرتے ہیں، وہ بیان کرتے ہیں کہ ابن مسعود رضی اللہ عنہ سمیت اصحابِ نبی وتر میں رکوع سے قبل قنوت کرتے تھے۔
◈ ابن ترکمانی نے الجوہر النقی میں اس سند کو مسلم کی شرط پر اور ابن حجر نے الدرایہ میں اسے حسن قرار دیا ہے، بعض اہل علم مثلاً سفیان ثوری، ابن مبارک، اسحاق اور احناف کا بھی یہی مذہب ہے۔ [تحفة الأحوذي: 385/2]
صحیح ابن خزیمہ شرح از محمد فاروق رفیع 1096