🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ قیام اللیل کا اہتمام مشروع و مستحب ہے اور طول قیام کی صورت میں انسان کا مشقت اور تکلیف کا سامنا کرنا بھی جائز ہے، بشرطیکہ انسان اکتاہٹ و ملال کا شکار نہ ہو۔
➋ انسان پر اللہ تعالیٰ کے انعامات و اکرامات جتنے زیادہ ہوں، اسے اسی قدر زیادہ عبادات کا اہتمام کرنا چاہیے، اسی سے انسان کی بخشش و مغفرت ممکن ہے، نیز جنہیں مغفرت کے بارے میں علم نہ ہو انہیں تو عبادات میں خوب دلچسپی لینی چاہیے، لیکن یہ بات ذہن نشین رہے کہ کثرت عبادت کے شوق میں شرعی حدود اور سنن سے تجاوز نہ کیا جائے۔
➌ ◈ امام نووی رحمہ اللہ بیان کرتے ہیں کہ بندے کا اللہ کا شکر ادا کرنے سے مقصود، اس کے انعامات کا اعتراف، انعامات پر اللہ تعالیٰ کی حمد و ثنا کرنا اور نیکی کے کاموں پر مکمل دوام ہے اور اللہ تعالیٰ کا بندوں کے اعمال کی قدر دانی سے مراد، نیک اعمال پر انہیں اچھا بدلہ دینا و ثواب کو بڑھا چڑھا کر دینا اور جو ان پر انعامات کیے ہیں ان پر ان کی تعریف کرنا ہے۔ ** [شرح صحيح مسلم للنووي: 162/17] **
صحیح ابن خزیمہ شرح از محمد فاروق رفیع 1184