🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ طوافِ کعبہ کے بعد طواف کی دو سنتیں نماز کے ممنوعہ اوقات میں پڑھنا جائز ہیں۔
اور جن لوگوں نے نمازِ فجر کے بعد طواف کیا اور دو رکعت نماز پڑھی، ان میں ابنِ عمر، ابنِ زبیر، عطاء، طاؤس، ابنِ عباس، حسن، حسین، مجاہد، قاسم بن محمد اور عروہ بن زبیر شامل ہیں۔
نیز عطاء، شافعی اور ابوثور کا بھی یہی مذہب ہے۔
➋ ◈ خطابی رحمہ اللہ کہتے ہیں: امام شافعی رحمہ اللہ نے اس حدیث سے استدلال کیا ہے کہ باقی علاقوں کے بجائے مکہ میں ممنوعہ اوقات میں بھی نماز پڑھنا جائز ہے۔ [عون المعبود: 257/5]
➌ نماز کے ممنوعہ اوقات میں طواف کرنا اور طواف کے بعد دو رکعت نماز پڑھنا جائز ہے کیونکہ اگر یہ ممنوع ہوتا تو رسول اللہ صلی اللہ علیہ وسلم بنی عبد مناف کو نہی عن المنکر کے اس فریضہ سے سبکدوش نہ کرتے۔
صحیح ابن خزیمہ شرح از محمد فاروق رفیع 1280