🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ یہ احادیث دلیل ہیں کہ نماز استسقاء کے لیے عید گاہ یا کسی کھلے میدان کا رخ کرنا مشروع فعل ہے اور ان احادیث میں ان لوگوں کے موقف کی تردید ہے جو کہتے ہیں کہ نماز استسقاء کے لیے عید گاہ وغیرہ کا رخ کرنا درست نہیں۔
➋ نماز استسقاء کے لیے پراگندہ لباس میں نکلنا، خشوع و خضوع اختیار کرنا اور آہ و زاری کرنا مشروع عمل ہے۔
➌ استسقاء دو رکعت نماز ہے اور نماز عید کی طرح اس کی رکعتیں بھی دو عدد مشروع ہیں۔ البتہ یہ استدلال کرنا کہ نماز استسقاء میں بارہ تکبیرات مشروع ہیں، باطل ہے، اس بارے کوئی صریح نص موجود نہیں۔
صحیح ابن خزیمہ شرح از محمد فاروق رفیع 1406