🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ خطبہ وغیرہ کے لیے منبر کا استعمال مستحب ہے اور دورانِ خطبہ خطیب کا بلند مقام یعنی منبر وغیرہ پر کھڑے ہونا مستحب فعل ہے۔
➋ نماز میں معمولی فعل جائز ہے۔ دو تین قدم آگے پیچھے چلنے سے نماز باطل نہیں ہوتی لیکن بلا ضرورت یہ عمل نہ کرنا بہتر ہے۔ اور ضرورت کے تحت اس فعل میں کوئی کراہت نہیں ہے۔
➌ نماز میں فعلِ کثیر اگر وقفے سے کیا جائے، جیسے دورانِ نماز کئی قدم آگے پیچھے اٹھائے گئے، تو اس سے نماز باطل نہیں ہوتی، کیونکہ آپ صلی اللہ علیہ وسلم نے منبر پر چڑھتے اور منبر سے اترتے وقت یہ فعل بار بار دہرایا تھا۔ یہ عمل بالجملہ کثیر تھا لیکن منفرد طور پر یہ فعل متفرق ہونے کی وجہ سے قلیل ہے۔
➍ ضرورت کے وقت امام کا مقتدیوں سے بلند جگہ پر نماز پڑھنا جائز ہے۔ لیکن بلا حاجت امام کا مقتدیوں سے اور مقتدیوں کا امام سے بلند مقام پر کھڑے ہونا مکروہ ہے۔ اور اگر یہ عمل لوگوں کو نماز کی تعلیم دینے کی خاطر ہو تو مستحب ہے۔
➎ نماز میں مقتدیوں کو افعالِ نماز کی تعلیم دینا صحتِ نماز میں نقص پیدا نہیں کرتا۔ [شرح النووي: 5/34]
صحیح ابن خزیمہ شرح از محمد فاروق رفیع 1521