🏠 👥 🔍 🧩 🅰️ 📌 ↩️

الشیخ محمد فاروق رفیع حفظہ اللہ
فوائد:
➊ عورتیں مردوں کے سجدے سے سر اٹھانے کے بعد سر اٹھائیں، اس کی علت یہ تھی کہ صحابہ کرام رضی اللہ عنہم کے جسموں پر معمولی چادریں ہوتی تھیں اور سجدے کی حالت میں شرمگاہوں کے کھلنے کا خطرہ رہتا تھا۔ اس خطرے کے پیش نظر نبی صلی اللہ علیہ وسلم نے عورتوں کو تاکید کی کہ مردوں کے سجدے سے اٹھ جانے کے بعد وہ سجدے سے اٹھیں۔
➋ عورتوں کی صفیں مردوں کے پیچھے ہوتی ہیں، اس لحاظ سے بھی ارکانِ نماز میں عورتیں مردوں کے پیچھے چلیں گی اور عورتیں مردوں کے ارکانِ نماز پر عمل کرنے کے بعد کچھ وقفے سے یہ اعمال انجام دیں گی۔
صحیح ابن خزیمہ شرح از محمد فاروق رفیع 1695